Foto: Ashyq derekkózden
QR Oqý-aǵartý ministri Juldyz Súleimenova Iranda oryn alǵan qaiǵyly oqiǵa – 160 mektep oqýshy qyzdardyń qaza tabýy týraly sýyt habardy tereń kúizelispen qabyldaǵanyn aityp, facebook paraqshasyna jazba jariialady, dep habarlaidy Ult.kz.
Ministrdiń sózinshe beibit kúnde bilim alyp, bolashaqqa qadam basýy tiis balalardyń ómiriniń úzilýi – barsha adamzat úshin orny tolmas qasiret.
"Bala tárbiesimen ainalysatyn adam retinde balalar eshqashan qandai da bir qaqtyǵystyń, janjaldyń nemese saiasi teketirestiń qurbany bolmaýy tiis dep sanaimyn. Olardyń qaýipsizdigi men amandyǵy – halyqaralyq qaýymdastyq úshin de, ár memleket úshin de eń basty qundylyqtardyń biri.
Memleket basshysy Qasym-Jomart Kemeluly Toqaev halyqaralyq máselelerdi árdaiym beibit, diplomatiialyq jolmen sheshý qajettigin únemi aityp keledi. Bul – adam ómirin, ásirese balalardyń bolashaǵyn qorǵaýǵa baǵyttalǵan salmaqty ári dáiekti ustanym. Men bul kózqarasty tolyq qoldaimyn", degen ministr Súleimenova qaza bolǵan irandyq balalardyń ata-analary men jaqyndaryna kóńil aitty.
