«Jomart» kenishinde «Qazaqmys korporatsiiasy» JShS Basqarma tóraǵasy Rýslan Óskenáliniń QR Tótenshe jaǵdailar vitse-ministri Erbolat Sadyrbaevpen jáne QR TJM Ónerkásiptik qaýipsizdik komitetiniń tóraǵasy Rashid Dýbaevpen birlesken jumys sapary ótti.
Sapar barysynda Qazaqmys korporatsiiasy ótken jylǵy oqiǵanyń saldaryn joiý boiynsha atqarylǵan jumystyń nátijesin, sondai-aq ónerkásiptik qaýipsizdikti qamtamasyz etýge baǵyttalǵan keshendi sharalardyń iske asyrylý barysyn tanystyrdy. Sonymen qatar qazirgi kezdegi kenishtegi aerogazdyq jaǵdai men baqylaý júieleriniń jumysy kórsetildi.
Mamandandyrylǵan uiymdardy tarta otyryp, ǵylymi-zertteý jumystarynyń kesheni júrgizildi. Buǵan deiin oqys oqiǵa tirkelgen aýmaqtarda gazsyzdandyrý boiynsha qajetti sharalar atqaryldy. Taý-ken jumysyn qaýipsiz júrgizý boiynsha jol kartasy ázirlenip, engizilýde. Jeldetý júielerin jańǵyrtý jalǵasýda, táýlik boiy júzege asyrylatyn aerogazdyq baqylaý kúsheitildi.
Is-sharalardyń birqatary qosymsha ǵylymi zertteý júrgizýdi jáne taý-ken jumysyn júrgizý parametrlerin túzetýdi qamtydy.
Sonymen qatar Korporatsiia qosymsha uiymdastyrýshylyq-tehnikalyq sharalardy júzege asyrýda. Olardyń qatarynda jabdyqty jańǵyrtý, personaldy pozitsiialaý jáne apattyq habarlaý júielerin damytý, sondai-aq memlekettik inspektorlardyń qatysýymen tehnikalyq tekseris júrgizý bar.
Barlyq jumys bekitilgen keste boiynsha oryndalyp, turaqty baqylaýǵa alyndy. Jumyskerlerdiń qaýipsizdigin qamtamasyz etý jáne táýekeldiń aldyn alý Korporatsiia úshin basty basymdyq bolyp qala beredi.
