Qazaqstannyń kóliktegi Bas memlekettik sanitarlyq dárigeri Sádýaqas Baiǵabylov elimizdiń ishinde qatynaityn turaqty temir jol qatynasynda keibir shekteý sharalarynyń jeńildetilýine qatysty pikir bildirdi, dep habarlaidy QazAqparat.
«Buǵan deiin birneshe ret jolaýshylar temirjol qatynasy jańartylýyna bailanysty koronavirýs infektsiiasyna shaldyǵý órship ketpegen jaǵdaida talaptar kezeń-kezeńimen jeńildetiletindigi atalap ótilgen edi. Ishki turaqty temir jol qatynasy jandanǵan kúnnen bastap 100 myńnan astam jolaýshydan saýalnama aldyndy. Jolaýshylar arasynda koronairýs infektsiiasy jaǵdailary tirkelgen joq. Osyǵan bailanysty 2020 jyldyń 10 maýsymynan bastap shyǵaryp salýshy azamatty temirjol vokzaly ǵimaratyna kirgizbeý talaby alynyp tastaldy», - dedi ol.
Bul oraida ol áleýmettik araqashyqtyq, maska rejimi, jolaýshylardyń vogondar arasynda arly-berli júrýin jáne olardyń shoǵyrlanýyn shekteý, zalalsyzdandyrýdy kúsheitý syndy sanitarlyq-karantindik talaptardy qatań saqtaý qajettigin basa aitady.
«Azamattardyń temir jol vokzaly ǵimaratyna kirýi burynǵydai bailanyssyz dene qyzýyn ólshegennen keiin ǵana júrgiziledi. Sonymen qatar 10 maýsymnan bastap sanitarlyq-zalasyzdandyrý rejimi jáne ózge de shekteý sharalary qatań saqtalǵan jaǵdaida jolaýshylar poiyzdarynyń vagon meiramhana jáne vagon barlarynyń jumysy jandanady. Temir jol kóliginde jolaýshylar sanitarlyq-karantindik sharalardy saqtamaǵa jaǵdaida ol qaitadan qatańdatylatyn bolady», - dedi S.Baiǵabylov.
