«QTJ» UK» AQ temir joldarǵa kúrdeli jóndeý júrgizilýine bailanysty jolaýshylar poiyzdary qozǵalysynyń kestesi buzylyp otyrǵanyn málim etti, dep habarlaidy "Ult aqparat".
Temir joldardy jańǵyrtý osy jyly sáýir aiynda bastalǵan. Bul jumystar qozǵalys qaýipsizdigin jáne júk, jolaýshylar poiyzdarynyń jyldamdyǵyn arttyrýǵa baǵyttalǵan. Jóndeý shtattyq tártipte, keshiktirilmei jasalýda. Koronavirýs infektsiiasymen kúres aiasynda barlyq qaýipsizdik sharalary eskerilip otyr. «QTJ» UK» AQ keltirilgen yńǵaisyzdyqtar úshin jolaýshylardan keshirim suraidy jáne jumystardy tezirek aiaqtaý úshin barlyq qajetti sharalar qabyldanatynyn habarlaidy.
2001 jyldyń 8 jeltoqsanyndaǵy QR «Temir jol kóligi týraly» zańynyń 80 baby 3 tarmaǵyna sáikes jolaýshylar poiyzdarynyń keshiktirilgeni úshin aiyppul tóleý qarastyrylǵan:
80 bap. Jolaýshylardy, bagajdardy, júk bagajdaryn jetkizý merziminiń buzylǵany úshin jaýapkershilik.
Temirjol stantsiialaryna jolaýshy tasymaldap bara jatqan jolaýshylar poiyzdary kidirtilip jóneltilse jáne keshigip kelse, tasymaldaýshy jolaýshyǵa jol júrý qujaty (bilet) qunynan 3 paiyz kólemde keshikken ár saǵat úshin aiyppul tóleidi.
Bul rette keshiktirý men kidirýine qandai da bir basqa kúshtiń saldary sebep bolǵanyn dáleldei almasa, jolaýshylarǵa shyǵynyn ótep beredi. Óndirilgen aiyppul somasy jol júrý qujatynyń qunynan asyp ketpeýi kerek. Jolaýshylar poiyzdarynyń keshiktirilgeni úshin tólenetin aiyppul tasymal erejelerine sai jolaýshylar aryzy boiynsha tólenedi.
Ótemaqyny alý úshin jolaýshy vokzaldaǵy kezekshiden jol júrý qujatyna mindetti túrde poiyzdyń keshiktirilgeni týraly belgi soqtyrady. Ári qarai jolaýshy sol qujat arqyly, sonymen qatar jeke kýáligin alyp «QTJ» UK» AQ-nyń kez kelgen kassasyna baryp, zań boiynsha ózine tiesili ótemaqyny alady.
