Foto: kstnews.kz
Jolaýshylar úshin poiyzǵa úlgermei qalý — jii kezdesetin qolaisyz jaǵdailardyń biri. Osyǵan bailanysty «Jolaýshylar tasymaly» AQ poiyzdan qalyp qoiǵan jaǵdaida qandai áreket jasaý kerektigin eske salady, dep habarlaidy Ult.kz. Eń aldymen vokzaldaǵy bilet kassasyna júginip, týyndaǵan jaǵdai týraly kassirge habarlaý qajet.
Eger jolaýshy poiyzǵa úlgermei qalsa, bilet qunynyń bir bóligin qaitaryp alý múmkindigi qarastyrylǵan. Bul úshin ótinishti bilette kórsetilgen stantsiiadan poiyz jónelgennen keiin bir saǵattan keshiktirmei rásimdeý qajet.
Qaitarý rásimin júrgizý úshin jolaýshy jeke kýáligi men biletin usynýy tiis. Kassir qajetti qujattardy rásimdep, bos oryn bolǵan jaǵdaida kelesi poiyzǵa otyrýdyń balama nusqalaryn usyna alady. Bilet qunyn qaitarý kólemi men merzimi jolaýshylardy, júk pen bagajdy, sondai-aq poshta jóneltilimderin temirjol kóligimen tasymaldaý qaǵidalaryna sáikes aiqyndalady.
Mundai jaǵdailarda jolaýshylarǵa qosymsha aqparat alý úshin 1433 nómiri boiynsha habarlasý, sondai-aq vokzaldyń anyqtama qyzmetine júginý usynylady.
«Jolaýshylar tasymaly» AQ jolaýshylarǵa osyndai jaǵdailardan saqtaný úshin vokzalǵa erterek kelýdi usynady.
