1 qarashadaǵy jaǵdai boiynsha Jumyspen qamtýdyń 2020-2021 jyldarǵa arnalǵan jol kartasy boiynsha ortasha jalaqysy 92 myń teńge bolatyn 8,3 myń jumys orny quryldy, dep habarlaidy QazAqparat QR Eńbek jáne halyqty áleýmettik qorǵaý ministrligine silteme jasap.
Jol kartasy boiynsha jobalar mynadai 4 negizgi baǵytqa bólingen. Halyqtyń ómir súrý sapasyn arttyrý, ShOB úshin qarjylandyrýdyń qoljetimdiligin arttyrý, agroónerkásiptik keshendi damytý jáne óńirlerde biznesti damytý.
Ministrliktiń málimetinshe, qazirgi ýaqytta JQJK aiasynda 228 infraqurylymdyq jobada qurylys júrgizilýde, taǵy 13-i iske asyrýdyń bastapqy kezeńinde tur. Jobalar boiynsha óńirlerde 349 monitoring júrgizildi.
Osy oraida Qostanai oblysynda 2 jáne Nur-Cultan qalasynda 1 joba aiaqtalyp, olarda 228 turaqty jumys orny quryldy.
Sonymen qatar, JQJK ekinshi baǵyty aiasynda óz isin ashýǵa nemese damytýǵa jalpy somasy 1 mlrd teńgeden astam somaǵa 170 shaǵyn nesie berildi.
Vedomstvoaralyq komissiianyń kezekti otyrysynda agroónerkásiptik keshendi damytý turǵysynda jalpy somasy 100 mlrd teńgege 40 investitsiialyq jobanyń tizbesi bekitildi.
Esterińizge sala keteiik, JQJK aiasynda 2021 jyly barlyq baǵyt boiynsha 42,5 myń jumys orny qurylady, onyń 28,8 myńnan astamy turaqty jumys oryny.
Jumys izdep júrgen qazaqstandyqtar turǵylyqty jeri boiynsha halyqty jumyspen qamtý ortalyqtaryna barý arqyly JQJK sheńberinde infraqurylymdyq jobalardy iske asyrýǵa qatysa alady.
Halyqty jumyspen qamtý ortalyqtary ýaqytsha tirkelgen adamdardy qosa alǵanda, jumyspen qamtý organdarynda jumys izdep júrgen adamdar, jumyssyzdar retinde tirkelgender, sondai-aq jumystan bosatylatyn adamdar, jalaqysy saqtalmaityn demalysta júrgen adamdar, stýdentter qatarynan qajetti biliktiligi bar mamandardy irikteidi jáne olardy infraqurylymdyq jobany iske asyratyn jumys berýshi merdigerge jiberedi.
Jumyspen qamtý ortalyqtary arqyly infraqurylymdyq jobalarǵa jumysqa ornalastyrý kezinde jumyssyz jastarǵa, NEET sanatyndaǵy jastarǵa, sondai-aq densaýlyǵyna ziian keltirmeitin jáne oqý protsesin buzbaityn jumystarda stýdentterge basymdyq beriledi.
Jumyspen qamtý ortalyqtaryna qajet bolǵan jaǵdaida infraqurylymdyq jobaǵa jumysqa ornalastyrýǵa kepildik bere otyryp, tiisti jumystardy oryndaý úshin jumys berýshi-merdigerdiń/qosalqy merdigerdiń ótinimderi boiynsha kadrlardy qaita daiarlaýdy qamtamasyz etedi.
HJQO baǵyttary boiynsha jumysqa ornalasqandardyń jalaqy mólsheri salyqtardy, áleýmettik tólemderdi jáne ekologiialyq ústemeaqylar boiynsha tólemderdi esepke almaǵanda, paidalanylmaǵan eńbek demalysy úshin ótemaqyny eskere otyryp, eń tómengi jalaqynyń keminde eki mólsheri (83 myń teńge) deńgeiinde belgilenedi.
