Foto: t.me/mazhilis_kz
Májilis depýtaty Jigýli Dairabaev uldaryna qatysty kezekti aiyptaýǵa jaýap berdi, dep habarlaidy Sputnik Qazaqstan.
Buǵan deiin Jambyl oblysynyń turǵyny májilismenniń uldary ony "eńbek quldyǵynda ustaǵanyn" málimdegen edi.
Májilis kýlýarynda Jigýli Dairabaevtyń ózi muny joqqa shyǵardy.
"Onyń bári ótirik. Biz advokat jaldadyq, qazir ol osy ispen ainalysyp jatyr. Solardan habar kútemiz, sodan keiin ǵana jaýap beremiz", - dedi depýtat jýrnalisterge.
Dairabaev uldaryn aiyptaǵan er adamdy tanymaitynyn atap ótti.
"Ol meni kórse, kóre bersin. Onda turǵan ne bar. Meni barlyq el kóredi, 20 mln halyq kóredi", - deidi depýtat.
Jýrnalisterdiń "sońǵy kezderi jiilep ketken daýlardan keiin mandatty tapsyrý qajet dep oilamaisyz ba?" degen suraǵyna:
"Siz kimge daýys berdińiz? Maǵan ondai suraq qoimańyz", - dep ashýlandy Dairabaev.
Eske salsaq, jaqynda birqatar BAQ-ta Jambyl oblysynyń alpys jastaǵy turǵyny Vasilii Koveshnik týraly aqparat jariialandy. Onyń aitýynsha, Dairabaevtyń jemqorlyq úshin shartty túrde sottalǵan uldary ony "eńbek quldyǵynda ustaǵan". Koveshnikovtiń sózine sensek, ony "úide kúshpen ustap, uryp-soqqan, jumysy úshin jalaqy tólemegen".
Sáýir aiynyń basynda Tarazda Májilistiń qazirgi depýtaty Jigýli Dairabaevtyń uldaryna qatysty sot úkimi shyqqan bolatyn. Dairabaevtyń uldary Didar Moldahalyq pen Marat Dairabaev 550 mln teńge sýbsidiiany urlady dep aiyptaldy. Ekeýi shartty túrde 5 jylǵa sottaldy.
Osydan keiin depýtat Jigýli Dairabaev balalarynyń kinási joq ekenin jáne májilisten ketpeitinin málimdedi.
Alaida mamyr aiynyń basynda áleýmettik jelide Dairabaevqa qatysty jańa daý shyqty.
