Foto: t.me/kazakhmys_news
2026 jyly «Kazakhmys Smelting» JShS qurylymdyq bólimshesi – Jezqazǵan mys balqytý zaýyty 55 jyldyǵyn atap ótti.
Jarty ǵasyrdan astam ýaqyt ishinde kásiporyn kompaniianyń mańyzdy metallýrgiialyq aktivteriniń birine jáne óńirdiń ónerkásiptik ortalyǵyna ainaldy. Búginde zaýyt qurylymyna tórt negizgi tseh, segiz qosalqy bólimshe jáne mamandandyrylǵan qyzmet túrleri kiredi. Olar óndiristik úderistiń úzdiksiz jumysyn, ónerkásiptik qaýipsizdik standarttarynyń saqtalýyn, sondai-aq ekologiialyq talaptyń oryndalýyn qamtamasyz etedi.
2026 jylǵy 9-20 aqpan aralyǵynda kásiporynda mereitoiǵa orailastyrylǵan sporttyq jáne saltanatty is-sharalar ótti. Eki apta boiy jumyskerler arasynda ujymdyq rýhty nyǵaitý úshin merekelik baǵdarlamanyń bir bóligi retinde korporativtik sporttyq jarys uiymdastyryldy.
20 aqpanda óńirdiń mineraldyq-shikizattyq bazasyn damytýdyń negizin qalaǵan kórnekti ǵalym Qanysh Sátbaevtyń eskertkishine gúl shoqtaryn qoiý rásimi ótti. Al S.Qojamqulov atyndaǵy Jezqazǵan qazaq mýzykalyq-drama teatrynda sala ardagerleri men jumyskerlerge qurmet kórsetildi.
Qazaqmys korporatsiiasynyń Basqarma tóraǵasy Rýslan Óskenáli mys balqytý zaýytynyń ujymyn quttyqtap, eńbegi sińgen jumyskerlerdi marapattady.
Mereitoi aiasynda 120 jumysker memlekettik, korporativtik jáne salalyq nagradalarǵa ie boldy.
Marapattalǵandardyń qatarynda Qazaqstan Respýblikasynyń memlekettik nagradasyn ielengender (8 adam), I, II jáne III dárejeli «Eńbek dańqy» tósbelgisin alǵandar (19 adam), sondai-aq qurmet gramotalaryna ie bolǵan qyzmetkerler bar. Budan bólek zaýyt jumyskerlerine alǵys hat, salalyq yntalandyrý syilyǵy, birqatar qyzmetkerlerge estelik syilyq tabystaldy.
Jezqazǵan mys balqytý zaýytynyń 55 jyldyq mereitoiy – óndiristik júieniń turaqtylyǵynyń, ujymnyń kásibi biliktiliginiń jáne kásiporynnyń taý-ken metallýrgiia salasyn damytý men Ulytaý oblysynyń áleýmettik-ekonomikalyq ál-aýqatyna qosqan úlesiniń aiǵaǵy.
Kásiporyn jańǵyrtý baǵdarlamasyn júzege asyrýdy, óndiristik tiimdilikti arttyrýdy jáne eńbekti qorǵaý standarttaryn nyǵaitýdy jalǵastyryp, Qazaqstandaǵy metallýrgiialyq óndiristiń kóshbasshylarynyń biri mártebesin saqtap keledi.
