Túrkistan oblysynan Mańǵystaýǵa 70 tonnadan astam mal azyǵy jóneltildi, dep habarlaidy "Ult aqparat" óńirlik kommýnikatsiialar qyzmetine silteme jasap.
Qazaq halqynyń izgi qasietteriniń biri qaiyrymdylyq ekeni daýsyz. Kez kelgen qiyndyqty el bolyp jeńe bilgen.
Mańǵystaý oblysynda biyl jaýyn-shashyn az túsýine bailanysty mal azyǵy shóptiń jetkilikti mólsherde shyqpai qalýyna bailanysty qýańshylyq boldy.
Osyǵan orai elimizdiń ár óńiri múmkindiginshe kómek kórsetip otyr.
Máselen, Túrkistan oblysy Jetisai aýdanynyń sharýalary «Biz birgemiz» aktsiiasy aiasynda 74 tonna press shópti mańǵystaýlyqtarǵa jóneltti.
Sondai-aq, jetisailyqtar taǵy da qosymsha 60 tonna mal azyǵyn jóneltpek.
Aita keterligi, byltyr ǵana topan sýdan zardap shekken Maqtaaral aýdany Órgebas aýylynyń sharýalary da bir vagon jemshóp tiep, qiyndyq kórip jatqan sharýalarǵa jiberdi.
