Foto: QR QM
Qurlyq áskerleri "Batys" óńirlik qolbasshylyǵyna qarasty teńiz jaiaý áskeri brigadasynyń irikteýden ótken 170-ten astam áskeri qyzmetshisi Uly Otan soǵysyndaǵy Jeńistiń 80 jyldyǵyna arnalǵan áskeri paradqa qatysady, dep habarlaidy Ult.kz.
Elordadaǵy Qazaq eli alańynda ótetin sherýde Aqtaý garnizonynda qyzmet ótkerip jatqan ofitserler, serjanttar jáne merzimdi qyzmettiń 160 sarbazy saltanatty sap túzemek.
"Paradqa qatysýshylar bar jaǵynan muqiiat irikteýden ótti. Bul biz úshin úlken mártebe jáne jaýapkershilik. Óitkeni, áskeri sherý – beibitshilik úshin óz jandaryn qurban etken batyrlarǵa degen qurmet", – dep atap ótti teńiz jaiaý áskeri brigadasy komandiriniń jaýyngerlik jáne dene shynyqtyrý daiarlyǵy jónindegi orynbasary maior Berik Almaniiazov.
Saltanatty qarsy alýdan keiin teńiz jaiaý áskeri ýaqytsha ornalasatyn jerge jetkizildi.
Aita ketý kerek, Jeńis sherýine daiyndyq barynsha uiymshyldyqty, tártipti jáne joǵary jaýapkershilikti qajet etedi. Biyl oǵan Qarýly kúshter, basqa da áskerler men áskeri quralymdardyń 4000-nan asa áskeri qyzmetshisi qatysady. Onyń ishinde 200-den astam áskeri qyzmetshi áiel bar. Paradqa 200-den asa áskeri tehnika men aviatsiia qatysady.
