Foto: JI arqyly jasaldy
Búgingi kúni jeńil ónerkásiptiń otandyq salasy 26 myńnan astam jumys ornyn berip otyr. Elimizdegi jeńil ónerkásipte jumys isteitin qyzmetkerlerdiń 60 paiyzy áielder. Olardyń eńbek jaǵdaiy, jalaqysy jáne áleýmettik qorǵalýy boiynsha qandai naqty ózgerister bar ekeni týraly jáne dekretten keiin áielderdiń jumysqa qaita oralýyna qandai qoldaý kórsetiletinin tilshi suraǵyna jaýap berý kezinde QR ÓQM ónerkásip komiteti tóraǵasynyń orynbasary ANDAKOV MUHAMED ZADINULY aityp berdi.
«Jeńil ónerkásip salasy bizdiń Qazaqstan azamattaryna úi sharýasynda otyrǵandaryna bolsyn zor múmkindikter beredi. Jeńil ónerkásipte kásip bastaý ońai jáne ol baǵalanady. Tipti ózin ózi jumyspen qamtyǵan azamat alǵashqy kásibin bastaýdyń alǵashqy etaptarynda bolsa da bul ońai dep aitar edim. Sebebi munda tájiribeli kásipkerler kásipti qalai júrgizý kerek, qatelikterge jol bermeý úshin ne isteý qajet, óz brendin qalyptastyrý, tabysty qalai tabý kerektigi jóninde ózderiniń tájiribelerimen bólisýge daiyn. Jyl saiyn ashylyp jatqan jańa kásiporyndar jańa múmkindikter berip jatyr. Bul salaǵa kásipker óz eńbegin, qarjysyn, resýrsyn salady, mamandardy oqytady. Tigin ne bolmasa basqa mashinalarda jumys istei alatyn bolsa oǵan dekrette otyrý da kedergi bolmaidy. Ol adam úiinde de jumys istep, óz salasyn jalǵastyra alady, qoly bos ýaqytta berilgen tapsyrmalaryn oryndap aqsha taba alady. Sondyqtan bul sala tipti dekrettik demalysta da aqsha tabýǵa yńǵaily sala. Zańda belgilengen barsha eńbek jumysshylarynyń quqyqtary bul kásipte saqtalady. Dekrettik demalysqa shyqqan jumysshylar ol tiginshi nemese tehnolog bolýy múmkin, nemese basqa mamandyq iesi bolsa da mindetti túrde óz jumys ornyna qaityp orala alady. Onyń jumys orny dekrettik demalys ýaqyty bitkenshe saqtalady. Kásipkerdiń óz mamandyǵyn saqtap qalý boiynsha júrgizilip jatqan jumystar kóp», - dep otyr QR ÓQM ónerkásip komiteti tóraǵasynyń orynbasary.
