Qazaqstan jemqorlyqpen kúresti preventsiia baǵytynda kúsheitedi. Bul týraly QR Sybailas jemqorlyqqa qarsy is-qimyl agenttiginiń tóraǵasy Marat Ahmetjanov aitty, dep habarlaidy QazAqparat.
«Jalpy búginde jemqorlyqpen kúresti preventsiia baǵytynda kúsheitýdi josparlap otyrmyz. Iaǵni, jemqorlyqtyń saldarymen emes, oǵan jol beretin sebepterin, jaǵdailaryn joiýǵa baǵyt alamyz. Qoǵamda jemqorlyqqa múldem tózbeýshilik mádenietin qalyptastyrýymyz qajet. Eger qoǵamda quqyqtyq mádeniet, jemqorlyqqa jaǵymsyz indet retinde kózqaras qalyptaspasa, onda zań qabyldaý, jaýapkershilikti qatańdatý syndy amaldarymyzdyń bári beker bolmaq», - dedi agenttik basshysy úkimettik emes uiymdar ókilderimen onlain kezdesýde.
Osy rette ol úkimettik emes uiymdar ókilderin jemqorlyqtyń bolashaǵymyzǵa kedergi keltiretin indet retinde qoǵamǵa tanytý jumysyna belsene aralasýǵa shaqyrdy.
«Qoǵamda bul indetke jaǵymsyz kózqaras paida bolsa ǵana jaǵdai túzeledi», - dedi Marat Ahmetjanov.
