Almatydaǵy QR Ulttyq kitaphanasynda «Jeltoqsan. Dekabr. 1986. Dokýmentalnaia hronika» atty ǵylymi eńbektiń tanystyrylymy ótti, dep habarlaidy QazAqparat.
Kitap Jeltoqsan oqiǵasynyń 35 jyldyǵyna arnaldy. Jeltoqsan oqiǵasynyń qatparly syrlaryn pash etetin eńbekti qurastyryp, oqyrman qaýymǵa usynǵan — QR Parlamenti Májilisiniń depýtaty, tarih ǵylymdarynyń kandidaty Berik Ábdiǵaliuly.
Atalmysh sharaǵa tarihshy ǵalymdar, jeltoqsanshylar, zertteýshi jastar qatysty. Táýelsizdiktiń tuǵyry bolǵan Jeltoqsan oqiǵasyna bailanysty qujattyq jinaqty ziialy qaýym ókilderi jyly qabyldap, ult rýhynyń oianýyna qosylǵan eseli eńbek dep baǵalady.
1986 jylǵy Jeltoqsan oqiǵasyna bailanysty qujattyq materialdar toptastyrylǵan jinaq 3 bólimge bólinip, hronikalyq retpen berilgen.
Birinshi bólimde 1986 jylǵy jeltoqsan aiyndaǵy partiia, memleket jáne quqyq qorǵaý organdarynyń resmi qujattary toptastyrylsa, ekinshi bólimde 1986 jylǵy Jeltoqsan oqiǵasynyń sebepteri men jaǵdaiy jaiyndaǵy QazKSR Joǵarǵy Keńesi Prezidiým Komissiiasynyń zertteý materialdary berilgen.
Al úshinshi bólimde QR Konstitýtsiialyq Soty (1992-1994) qarastyrǵan qujattyq materialdar tizbegi jinaqtalǵan.
