Keibir BAQ pen áleýmettik jelilerde taratylyp jatqan, endi múgedektigi bar balalarǵa arnalǵan járdemaqylar ataýly áleýmettik kómek alýǵa úmitker otbasynyń jiyntyq tabysyn esepteý kezinde eskeriletini týraly aqparat shyndyqqa sai kelmeidi. Bul týraly QazAqparat Eńbek ministrligine silteme jasap.
Jalǵan aqparattyń taratylý sebebi «Memlekettik ataýly áleýmettik kómek alýǵa úmitker adamnyń (otbasynyń) jiyntyq tabysyn esepteý qaǵidalaryn bekitý týraly» Qazaqstan Respýblikasy Eńbek jáne halyqty áleýmettik qorǵaý ministriniń 2009 jylǵy 28 shildedegi №237-ó buiryǵyna engizilgen ózgeristerdi durys túsindirmeý bolyp tabylady.
Aǵymdaǵy jyldyń 23 qazanynan bastap «Qazaqstan Respýblikasynyń keibir zańnamalyq aktilerine azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly» zań kúshine endi.
Joǵaryda kórsetilgen Zańmen múgedektikti berý jasy 16-dan 7 jasqa deiin tómendetildi, bul erekshe qajettilikteri bar azamattarǵa erte jastan bastap múgedektik toptaryn belgileýge múmkindik berdi.
Atalǵan ózgerister AÁK taǵaiyndaý ádistemesine áser etpegenin atap ótý qajet. Zańdy iske asyrý sheńberinde 2021 jylǵy 8 jeltoqsandaǵy buiryqqa engizilgen ózgerister tek redaktsiialyq sipatqa ie, iaǵni járdemaqylar ataýy bylaisha ózgertildi:
1) 16 jasqa deiingi múgedek balalarǵa beriletin múgedektigi boiynsha memlekettik áleýmettik járdemaqylar 7 jasqa deiingi múgedek balalarǵa beriletin múgedektigi boiynsha memlekettik áleýmettik járdemaqyǵa aýystyryldy;
2) birinshi, ekinshi, úshinshi toptardaǵy 16 jastan 18 jasqa deiingi múgedek balalarǵa beriletin múgedektigi boiynsha memlekettik áleýmettik járdemaqylar birinshi, ekinshi, úshinshi toptardaǵy 7 jastan 18 jasqa deiingi múgedek balalarǵa beriletin múgedektigi boiynsha memlekettik áleýmettik járdemaqyǵa aýystyryldy;
3) 16 jasqa deiingi múgedek balalarǵa beriletin arnaiy memlekettik járdemaqylar 7 jasqa deiingi múgedek balalarǵa beriletin arnaiy memlekettik járdemaqyǵa aýystyryldy;
4) birinshi, ekinshi, úshinshi toptardaǵy 16 jastan 18 jasqa deiingi múgedek balalarǵa beriletin arnaýly memlekettik járdemaqylar birinshi, ekinshi, úshinshi toptardaǵy 7 jastan 18 jasqa deiingi múgedek balalarǵa beriletin arnaýly memlekettik járdemaqyǵa aýystyryldy.
Osylaisha, AÁK taǵaiyndaý kezinde joǵaryda kórsetilgen járdemaqylar otbasynyń jiyntyq tabysynyń quramynda eskerilmegen jáne eskerilmeidi.
Azamattardan jalǵan aqparatqa nazar aýdarmaýdy jáne aqparatty tek resmi derekkózderden alýdy suraimyz.
Jalǵan aqparat taratý zań boiynsha jazalanatynyn esterińizge sala keteiik.
