Foto: www.gov.kz
Áleýmettik jelini durys qoldana bilmeseńiz onyń da ziiany bar. Máselen, Qyzylorda turǵyny áleýmettik jeli arqyly áiel adamǵa jala jaýyp, abyroiy men qadir-qasietine nuqsan keltirgeni úshin aiyppul tóleitin boldy, dep habarlaidy Ult.kz inbusiness.kz-ke silteme jasap.
Azamatsha D. áleýmettik jeli arqyly áiel kisige jala jaýyp, onyń abyroiy men qadir-qasietine nuqsan keltirgen. Áleýmettik jelide pikir jazyp, ony jalpy kórilimge shyǵaryp jariialaǵan.
– Sot otyrysynda azamatsha óz kinásin moiyndap, pikir jazǵanyn rastady. Onyń áreketi politsiia qyzmetkerleriniń baianattarymen, ákimshilik quqyq buzýshylyq týraly hattama, túsinikteme, sot psihologiialyq-filologiialyq saraptama qorytyndysy jáne basqa da is boiynsha qujattarmen dáleldendi. Bul boiynsha QR Ákimshilik quqyq buzýshylyq týraly kodeksiniń 73-3-babynyń 2-bóligimen ákimshilik jaýapkershilik kózdelgen. Onda kópshilik aldynda nemese buqaralyq aqparat quraldaryn, telekommýnikatsiialar jelilerin paidalana otyryp jala jabý, iaǵni basqa adamnyń abyroiy men qadir-qasietine nuqsan keltiretin nemese onyń bedelin túsiretin kórineý jalǵan málimetter taratý jaǵdaiy kórsetilgen. Jala japqan azamatsha kináli dep tanylyp, oǵan 465 192 teńge aiyppul salyndy, – dep málim etti Qyzylorda qalasynyń ákimshilik quqyq buzýshylyqtar jónindegi mamandandyrylǵan sotynan.
