Jeke kýálikti aýystyrý memlekettik qyzmetine onlain qol jetkizýge bolady

Foto: KazTAG

Eń suranysqa ie memlekettik qyzmettiń biri – jeke kýálikti aýystyrý, sáýir aiynyń sońyna deiin onlain-formatqa aýystyrylady. Bul týraly Úkimet otyrysynda tsifrlyq damý, innovatsiialar jáne aeroǵarysh ónerkásibi ministri Jaslan Mádiev málimdedi, dep habarlaidy Ult.kz.

Onyń aitýynsha, mamandar azamattyń fotosýretin sáikestikke baǵalaityn AI modelin sátti synaqtan ótkizdi. Iaǵni, bolashaqta azamattarǵa jeke kýálik alý úshin tek eGove platformasynda sáikestendirýden ótý, foto men qoltańbany júkteý, onlain tólem jasaý jáne qujattyń daiyndyǵy týraly SMS kútý qajet bolady.

«2024 jyly HQKO operatorlary 15,2 mln qyzmet kórsetti. Bul rette ótinishterdiń 80%-y on qyzmetke tiesili. Biz memlekettik organdarmen birlesip, bul qyzmetterdi avtomattandyrý jáne balamasyz, tek onlain formatqa kóshirý boiynsha jol kartasyn ázirledik. Birinshi kezeńde: jeke kýálikti aýystyrý, elektrondy tsifrlyq qoltańba berý, eńbek migranttaryna ruqsat berý qyzmetteri. Kelesi kezekte tirkeý qyzmetteri: kólik, jyljymaityn múlik, jerge qatysty qujattar kóshiriledi. Maqsatymyz – jyl sońyna deiin halyqqa qyzmet kórsetý ortalyǵynyń júktemesin 50%-ǵa deiin azaitý», — dedi ministr.