QR Jedel meditsinalyq járdem qyzmetine jyl saiyn 8 millionǵa deiin shaqyrtý túsedi. Bul týraly Óńirlik kommýnikatsiialar qyzmetiniń baspasóz máslihatynda QR DSM Ulttyq jedel meditsinany úilestirý ortalyǵy basqarma tóraǵasynyń orynbasary Ǵumyrbek Aǵybaev málim etti, dep habarlaidy QazAqparat.
Spikerdiń sózinshe, búgingi tańda respýblikada jedel meditsinalyq kómek qyzmeti 18 derbes stantsiia, 130 qalalyq qosalqy stantsiia jáne 284 aýdandyq bólimshelerden turady.
Oblystyq jáne qalalyq JMK stantsiialarynda bir aýysymda 1486 kóshpeli jedel járdem brigadasy jumys isteidi, onyń ishinde 290 – mamandandyrylǵan (dárigerlik), 1196 – feldsherlik.
Qalalyq bólimshelerde 911 brigada, aýdandyq bólimshelerde 576 brigada jumys isteidi.
Jyl saiyn QR Jedel meditsinalyq járdem qyzmeti bizdiń elimizde júrgen qazaqstandyqtarǵa da, shetel azamattaryna da shuǵyl meditsinalyq kómek kórsetedi.
«Jedel meditsinalyq kómek jumysynyń integraldyq kórsetkishi shaqyrýǵa der kezinde kelý. Aǵymdaǵy jyldyń 11 aiynda keshigip oryndalǵan shaqyrýlardyń úlesi 4,3% -dy qurady», - dedi Ǵumyrbek Aǵybaev.
Jedel járdem stantsiialary bekitilgen standarttarǵa sáikes meditsinalyq jabdyqtarmen jáne meditsinalyq maqsattaǵy buiymdarmen jabdyqtalǵan, respýblika boiynsha jaraqtandyrylýy – 97%.
Búgingi kúni JMK balansynda 2 287 birlik sanitarlyq avtokólik bar, onyń ishinde 1 410 birlik qalada jáne 877 birlik aýylda.
«Biyl 336 sanitarlyq kólik satyp alyndy. Barlyq jedel járdem kólikteriniń GPS-navigatsiiasymen jabdyqtalǵan. 2021 jyldyń 11 aiynda respýblika boiynsha jedel meditsinalyq kómekke shaqyrýlar sany 7 603 040 boldy. 1 qańtar - 1 jeltoqsan aralyǵynda koronavirýs infektsiia boiynsha 354 400 shaqyrýǵa qyzmet kórsetildi, onyń ishinde 259 692 adam aýrýhanaǵa jatqyzyldy»,- deidi spiker.
Ulttyq shuǵyl meditsinany úilestirý ortalyǵy jumysynyń taǵy bir baǵyty 2017 jyldan beri oqý-trening ótkizedi. Onda meditsinalyq aviatsiia, jedel jáne shuǵyl meditsinalyq kómektiń qyzmetkerleri oqytylady.
