Aýyr atletikodan Rio olimpiadasynyń kúmis júldegeri Jazira Japparqul, ózine tiesili qarjynyń barlyǵyn sińilisiniń emine jumsamaq. 11 jastaǵy Alfiia esimdi arý tserebraldy sal aýrýymen aýyrady eken.
Rio tórinde kúmis medaldi iemdengen arýdyń jaqyndarymen telefon arqyly tildesken sáti osydan biraz kún buryn ǵalamtor betine shyqqan bolady. Sol kezde, tolqyp turǵan sportshynyń "sen úshin aldym ǵoi", dep aǵynan jarylyp sóilep turǵan sáti taspaǵa basylyp qalǵan eken. Atalǵan beinerolikke sportshynyń ózi bylai dep jaýap berdi: "Meniń sińilim tserebraldy sal aýrýymen aýyrady. Men onyń saýyǵyp ketkenin qalaimyn jáne sol úshin aianbai ter tógip júrmin. Sińilimdi emdetý úshin qomaqty qarajat kerek. Endi meniń enshimdegi aqshanyń barlyǵy Alfiianyń emine jumsalady. Al, moinymdaǵy medaldi jáne Riodaǵy jeńisimdi elime arnaimyn".
Esterińizge sala ketsek, Jazira Japparqul 11-shi tamyz kúni aýyr atletikodan 69 kelige deiingi salmaqta kúmis medaldi iemdengen. Qytai eliniń sportshysynan ailasyn asyra almaǵan sebebi, Jazira jaraqatyna bailanysty eken. Bul týraly jýrnalister qaýymyna ózi aityp berdi.
