Álem elderin indettiń qaita taralýy alańdatyp otyr. COVID-19 virýsynyń úshinshi tolqyny qaýpi týyndady. Bul jaiynda QR Bas memlekettik sanitar dárigeri Erlan Qiiasov málim etti, dep habarlaidy "Ult aqparat".
Bas sanitardyń aitýynsha, ásirese, vaktsinatsiia deńgeii baiaý elderde virýs juqtyrý kórsetkishi kúrt artqan.
«Jer júzinde 176 millionnan astam adam virýs juqtyrdy, kún saiyn 290 myńnan asa jańa derek tirkelip otyr. 3,8 millionnan astam adam kóz jumdy. Qazaqstanmen shekaralas aimaqtarda qalyptasqan qaýipti jaǵdai bizdi alańdatyp otyr. Resei men Qyrǵyzstanda aýrý taralý kórsetkishi ótken jyldan da asyp tústi» deidi Erlan Qiiasov.
Onyń sózine sensek, Qazaqstanda qazir epidemiologiialyq ahýal turaqty, turǵyndar arasynda virýs juqtyrý tómendegen.
«Alaida, jaz ailarynda bizdiń kóptegen otandasymyz alys-jaqyndaǵy shet memleketterge baryp demalýǵa aǵylady. Sonyń ishinde SOVID-19-dyń taralýy boiynsha epidemiologiialyq ahýaly alańdatatyn elder de bar. Muny eskermeýge bolmaidy. Shetelde demalýǵa nietti azamattardy óziniń jáne jaqyndarynyń qaýipsizdigin qamtamasyz etýge shaqyramyn. Vaktsinatsiia sizdiń aǵzańyzdyń virýsqa qarsy qorǵanyshyn qamtamasyz etip, saiahatty qaýipsiz ótkizýge múmkindik beredi. Jazǵy demalysty alańdamai, oidaǵydai ótkizý úshin COVID-19-ǵa qarsy ekpe alyńyz. Vaktsinatsiia sizge áýejaida esh qiyndyqsyz elge oralýyńyzǵa, ári siz ben jaqyndaryńyzdyń ózin qaýipsiz sezinýine múmkindik beredi» dep eskertedi bas sanitariia dárigeri Erlan Qiiasov.
