DDU osy jazda Eýropada COVID-19 juqtyrý derekteri artady dep boljaidy. Bul týraly COVID-19 taralýyna jol bermeý jónindegi VAK habarlady.
"Sońǵy aida Eýropada koronavirýsty juqtyrý jaǵdaiynyń sany úsh ese ósti", - dep málimdedi Dúniejúzilik densaýlyq saqtaý uiymynyń Eýropa boiynsha aimaqtyq biýro direktory Hans Kliýge.
Uiym derekteri boiynsha, qazir Eýropanyń 53 elinde kún saiyn 500 myńnan astam adam koronavirýs infektsiiasyn juqtyryp jatyr. Kúndelikti ólim-jitim 2020 jyldyń jazǵy deńgeiine sáikes keledi, iaǵni kúnine 500-ge jýyq adam qaitys bolady.
«Eýropa elderi burynǵy shekteýlerdi alyp tastaǵandyqtan, jazda virýstyń taralý deńgeii joǵary bolady. Elder ony baqylaýdy toqtatqandyqtan, virýs joiylmaidy. Ol áli de taralyp, áli de ózgerip jáne áli de ómir súrip jatyr», - dedi Kliýge myrza.
DDU COVID-19-dyń aldyn alý boiynsha usynystardy kúshinde qaldyrady: uiym ýaqtyly vaktsinatsiialaýǵa jáne qoǵamdyq oryndarda betperde kiiýge jáne aýrýdyń belgileri bar adamdardy oqshaýlanýǵa shaqyrdy.
«Halyq immýnitetiniń joǵarylaýy jáne egde jastaǵy adamdar úshin táýekeldiń (juqtyrý. - «») tómendeýi boiynsha qabyldanǵan sharalar osy jazda odan ári ólimdi aldyn alýdyń kilti bolyp tabylady», - dedi Hans Kliýge.
