Eger sońǵy tendentsiialarǵa qaraityn bolsaq, jasandy intellekt degen tirkesti jii estimiz. Úiimiz, kóligimiz, tipti tosterimizge deiin ózi oilanyp, ózi jumys isteitin deńgeige jetken.
Endigi kezekte jasandy intellektiniń qoldanys tapqan salalary men túrlerine nazar aýdarsaq:
Avtomatty úirený. Engizilgen málimetti anyqtap, klassifikatsiialaý úshin modelderdi qurastyryp, synaqtan ótkizip, keri baǵytta qaitarý printsipimen jumys isteitin málimetter bazasyndaǵy júie.
Maqsatty úirený. Belgili bir maqsatqa jetken kezde ony qýattandyratyn júie. Ol kóbinde agenttik júielerde qoldanylady.
Tereń úirený. Bul júieler avtomatty úirený júiesin qurý úshin syzyqtyq emes neirondyq tarmaqtarmen jumys isteidi. Joǵaryda aityp ketken avtomatty úirenýdiń ózgeshe neirondarmen jumys isteitin túri.
Agenttik júieler. Táýelsiz agentter belgili bir ortada qarym-qatynasqa túsip, massalyq áreketterdiń (aranyń toptasyp ushqany siiaqty) simýliatsiiasyn jasaidy. Bul ádis kóbinde oiyndarda jáne basqa da simýliatsiialarda qoldanady.
Syzyqtyq emes toraptar júiesi. Agenttik júieniń túrózgerisi. Belgili ólshemdegi toraptar ishki jaǵdaidy saqtaidy, onymen qosa janyndaǵy uiashyqtardyń áserinen, málimetti syrtqa shyǵarady. Konýeidiń Game of Life baǵdarlamasy osy júieniń bastapqy nusqasy bolatyn, keiinnen onyń kúrdeli ári keri baǵytta jumys isteitin úlgisi birjadaǵy aktsiialardy modeldeý men boljam jasaýǵa qoldanatyn boldy.
Ózdiginen ózgeretin grafikalyq júieler. Aqparattar bazasyndaǵy jaǵdai ondaǵy túiinderdi sheshýdiń jańa ádisterin tapqanda (evristikalyq ádis) ózgerip turady.
Bilim bazalary, biznes intellekt jáne eksperttik júieler. Qalypty málimetter bazasyndaǵy kestelerden semantikalyq bilim spektrýmyn qurastyrady. Kei jaǵdailarda bul protsess adamnyń baqylaýymen bolsa, keibir baǵdarlamalar avtomatty úirenýge aýysyp, málimetter ózdiginen iriktelip, toptasyp jáne bir-birinen bólinedi.
Virtýaldy keńesshi men aqyldy agentter. Bul agenttik júieden azdap ózgesheleý. Agentter aqparattyq júiedegi jazbasha nemese aýyzsha mátindi óńdep, odan belgili málimetti iriktep, kerektisin shyǵaryp beredi jáne basqa da operatsiialar jasaidy. 1960 jyldardaǵy Eliza júiesi alǵashqy qarapaiym agent edi. Qazirgi agentter men virtýaldy keńesshi semantikalyq kombinatsiia, Baies analizin, avtomatty úirenýdi qoldanyp, qajetti málimet berip, qoldanýshy jaily aqparat jinaidy.
Vizýaldy sýretter men aýdio dybystardy oqityn júieler. Kóp jaǵdailarda vizýaldy jáne aýdio júieler media materialdy kishireitilgen kodtalǵan suraqqa ainaldyryp, sodan keiin algoritmdegi indekster arqyly nemese avtomatty júiedegi eń sáikes nusqamen salystyrady. Ol kóbinde arnaiy bólshekterdiń kezdesý jiiligine bailanysty saraptalatyn jáne bir-birimen bailanysatyn semantikalyq júielerden turatyn Baies analizimen jumys isteidi.
Bólshektik vizýalizatsiia. Fraktal bólshekter men jasandy intellektiń bailanysy óte tereń bolýymen qatar, parametrlengen tabiǵi kórinister: sýdyń aǵýy, ottyń ushqyny, tastardyń bederi, aýadaǵy tútin siiaqty Gollivýd filmderindegi arnaiy effektilerdi jasaý jasandy intellektiń eń keń damyǵan salasy sanalady.
Sonymen qatar JI «keńistikte» de óz qoldanysyn tapqan:
Ózdiginen basqarylatyn kólikter. Bul vizýaldy taný júiesi men shynaiy ýaqyt modelinde jumys isteý arqyly kólik «kóz» aldyndaǵy kedergilerdi (statikalyq jáne qozǵalmaly) kórip, alǵan baǵytyna bailanysty áreket etedi.
Drondar. Dron jolaýshysy joq ózdiginen basqarylatyn kólik, ol jarqanat siiaqty kishkentai ólshemnen bastalyp, reaktivti ushaqtyń kólemindei úlken bolady. Olar alystan da basqarylady, ara siiaqty toptasyp ushyp nemese aldyn ala qoiylǵan programamen de ushady.
Málimetterdi saraptaý. Qoldaǵy bar málimetterdi saraptaý arqyly úlgilerdi anyqtap, alda bolatyn oqiǵalarǵa boljam jasaý. Bul avtomatty úirený tehnikasy men sandyq statistikalyq analiz, syzyqtyq emes differentsiialyq teńdeýlerdi qoldanady. Málimet saraptaýda ǵalymdar joǵary deńgeidegi fýnktsiialar men qaitalaý ádisin qoldanbaidy, sáikesinshe bul sala áli de damý ústinde.
Sonymen qatar, jasandy intellekt blokcheinder, qarajat aýdarý men ony baqylaý salasynda, internet qurylǵylaryn bailanystyrý men intellektýaldy kameralarda qoldanylady.
Bir sózben aitqanda, jasandy intellekt ózdiginen jumys isteitin baǵdarlama emes, ol qurylǵylarǵa qondyrylǵan kezde aqparatty anyqtap, saraptap, biriktirý arqyly belgili bir sheshim shyǵarýǵa usynys jasaidy, al kei jaǵdailardy sol sheshimderdi ózi qabyldaidy. Eń bastysy bul trend áli de damyp, jalǵasyn tabady.
Maqalanyń túpnusqasy: forbes.com
