Kaliforniia ýniversitetiniń ǵalymdary RandomForest dep atalatyn neirondyq jeli oilap tapqan. Jobanyń basty maqsaty - maýsymnyń hity bolatyn mýzykalyq shyǵarmany óndirip shyǵarý.
Ókinishke orai, mindet sátti oryndalmady: algoritm 1985 jyldan 2015 jylǵa deiin belgili bolǵan 500-ge jýyq ánderdi zerttegenine qaramastan, óziniń týyndylaryn derbes jazyp shyǵara almady.
«Esesine kútpegen jerden jasandy intellekte jańa qoldanys paida boldy. RandomForest ándi bir tyńdaǵannan maýsymnyń hit áni bola alatyndyǵyn boljai aldy. Bilikti matematikter álemge áigili kompozitsiialardy, sonyń ishinde ánshiniń esimin, onyń daýysynyń sheberligin, dybys yrǵaǵyn, mýzykalyq janryn jáne tipti jazý stýdiiasyn biriktiretin múmkindikterdi jinai aldy», – dep aitylyp ótti «Haitek» portalynda.
Jasandy intellekt shyǵarmany tyńdap, 74%-dyq dáldikpen ánniń tanymaldylyǵyn anyqtady. Eger de algoritmge solisterdiń nemese toptyń atymen derekterge qol jetimdilik berilse, onyń anyqtaý dáldigi 84%-ǵa deiin jeteri sózsiz.
«Sońǵy zertteýlerdiń qorytyndysy boiynsha, keiingi 30 jylda mýzykalyq indýstriiada jalyqtyrmaityn jeńil trekterdiń sany azaiyp, jalǵyzdyq, áleýmettiń qabyldamaityn kóńilsiz lirikalyq ánderi kóbeiýde. Sondai-aq, 2000 jyldan bastap, rok stilindegi mýzyka tanymaldylyǵy búkil álemde kúrt tómendep ketti», – dep kórsetip ótti atalǵan portal.
Aita ketelik, búgingi tańda jappai qoldanyp júrgen «Jasandy intellekt» teriminin alǵash ret 1956 jyly Dartmýt ýniversitetinde ótken konferentsiiasynyń preambýlasynda Djon Makkarti qoldanǵan bolatyn. Jasandy intellekt jumysy eki baǵytqa bólinip qarastyrylǵan. Sonymen birinshi baǵyt adamnyń intellektýaldy áreketiniń ónimin qarastyrady, onyń qurylysyn meńgeredi(esepterdi sheshý, teoremalardy dáleldeý, oiyndar) jáne bul ónimderdi qazirgi tehnika kómegimen jasaidy.
Jasandy intellektiniń ekinshi baǵyty intellektýaldy is-áreketiniń neirofiziologiialyq jáne psihologiialyq mehanizmi týraly málimetterdi, dálirek aitqanda adamnyń sanaly is-áreketin qarastyrady.
Aqparattyq tehnologiialardyń adamzat ómirine áserin zertteitin ataqty fýtýrolog ǵalym Reimond Kýrtsveildiń aitýy boiynsha, 2035 jyly jasandy intellektiniń oilaý qabileti adamdardyń oilaýymen teńesedi. Al 2045 jyly kompiýterdiń oilaý qabileti nemese ǵylym tilimen aitatyn bolsaq, onyń jasandy intellektisi barlyq adamzattyń intellektisinen asyp túspek eken. Bul kún de jaqyndap kele jatqan sekildi...
