Japoniianyń ońtústik batysyndaǵy Kitakiýsiý qalasynda koronavirýs juqtyrýdyń jańa oqiǵalar sany ósken soń, indettiń jańa tolqyny týraly jariialandy. Bul týraly qala meri Kendji Kitahasi málim etti, dep habarlaidy Kyodo agenttigi.
«Biz aýrýdyń ekinshi tolqynynyń ortasynda júrmiz», - dedi qala basshysy.
Qalada 30 sáýir men 22 mamyr kúnderi aralyǵynda aýrý juqtyrýdyń rastalǵan oqiǵalary bolǵan joq, alaida sońǵy alty kúnniń ishinde indet juqtyrǵan 43 derek tirkelgen, sonyń ishinde 21-i bir táýlikte oryn alǵan.
Birneshe kún buryn Japoniia eliniń premer-ministri Sindzo Abe elde koronavirýs pandemiiasyna bailanysty tótenshe jaǵdai rejimin alyp tastaǵan bolatyn.
