Japoniianyń burynǵy premer-ministri Sindzo Abeni óltirgeni úshin ustalǵan 41 jastaǵy Tetsýia Iamagami tergeýshilerge áreketiniń sebebin aitty. Bul týraly NHK telearnasyna belgili boldy, - dep habarlaidy Tengrinews.kz agenttigi "Kommersant" basylymyna silteme jasap.
Kúdiktiniń aitýynsha, ol Iamagami kesirinen otbasy eleýli qarjylyq qiyndyqtarǵa tap bolǵan belgili bir "adamdar tobyna" jatady. Habarlamada anasy osy topqa úlken qaiyrymdylyq jasap, sodan otbasynyń búkil ómiri búlingeni aitylady.
Qandai "adamdar toby" týraly aitylatyny naqtylanbaidy. Isti tergeýshi Nara politsiia prefektýrasy da bul týraly túsinik berýden bas tartty.
Japoniialyq "Asahi Simbýn" gazetiniń málimetinshe, Iamagami jaýap alý kezinde "Abege saiasi dushpandyq" bolmaǵanyn aitady.
Basylym ólimge deiin túsirilgen videony jariialady. Kadrlarda kúdikti Abeniń artynda shamamen 5-10 metr qashyqtyqta turǵany kórinedi.
Sindzo Abege kóshede sóz sóilep turǵan jerinde belgisiz bireý oq atqany habarlanǵan bolatyn. Qarýly shabýyl 8 shildede jergilikti ýaqytpen 11.30-da bolǵan (elorda ýaqytymen 08.30). Oǵan eki márte oq atylyp, saiasatker jerge qulaǵan. Keiin shabýyl jasaǵan kúdikti anyqtaldy jáne Sindzo Abeniń qaitys bolǵany habarlandy.
