Politseiler emhanany órtedi dep kúdiktengen Japoniianyń Osaka qalasynyń turǵyny aldyn ala satyp alǵan janarmaidy paidalanǵan, dep habarlaidy QazAqparat NHK telearnasyna silteme jasap.
Tergeý barysynda beinebaqylaý kameralarynan kanistri bar er adamnyń velosipedpen ketip bara jatqan videojazbasy tabylǵan. Sonymen qatar, Osaka qalasynyń ortalyǵyna jaqyn ornalasqan Nisiiodogava aýdanyndaǵy janarmai quiý beketi kúdiktiniń jeke basyn kýálandyratyn qujatty kórsetip, olardan shynymen janarmai satyp alǵanyn rastady.
Órt 17 jeltoqsanda qalanyń bas temirjol vokzalynyń janyndaǵy adam kóp júretin oramdaǵy keńse ǵimarattarynyń biriniń tórtinshi qabatynda boldy. Emhana sol jerde ornalasqan, ol turǵan ǵimarat tolyǵymen janyp ketti. Qolda bar aqparatqa sáikes, órt oshaǵy lift pen kireberis esiktiń janynda bolǵan, sonyń saldarynan ishindegi adamdar shyǵa almady.
Sońǵy málimetter boiynsha, órt saldarynan kem degende 24 adam qaza tapty, taǵy tórt adam, onyń ishinde órt qoiýǵa kúdikti 60 jastaǵy er adam jaraqat alyp, aýrýhanada jatyr.
2019 jyly Kyoto Animation animatsiialyq kompaniiasynyń stýdiiasyn órtegen adam da janarmai quiý beketinen janarmai satyp alǵan. Osydan keiin Japoniiada zańnama qataityldy, endi jeke basyn kýálandyratyn qujattardy kórsetkennen keiin ǵana kanistrmen benzin satyp alýǵa bolady.
