Ókilder palatasy sársenbi kúni Iosihide Sýgany resmi túrde jańa Premer-Ministr qylyp sailady, dep habarlaidy Kyodo News agenttigi.
Eldegi basqarýshy Liberaldy-demokratiialyq partiianyń jańa basshysy Iosihide Sýga eldiń ekonomikasyn qalpyna keltirý jáne koronavirýs infektsiiasymen kúresý máselesin óz baqylaýyna alady.
Sýga nesie-qarjy saiasatyn yryqtandyrý men qarjylyq yntalandyrý sharalary kiretin Sindzo Abeniń saiasi kýrsyn jalǵastyrýǵa ýáde berdi. Sonymen qatar ol qyzmetinen ketken Abemen birge jumys istegen ministrlerden jańa Úkimet quratynyn málimdedi.
71 jastaǵy Iosihide Sýga Japoniia ekonomikasyn nyǵaitýǵa qatysty birqatar sharalardy atap ótti.
Olar Úkimettiń koronavirýs infektsiiasymen kúreske, onyń ishinde zardap shekken kásipkerlerge sýbsidiia bólý men ishki týrizmdi damytýǵa baǵyttalǵan, 2,2 trillion dollardy quraityn sharalar keshenin tolyqtyrady.
Sondai-aq Japoniianyń jańa Premer-Ministri ulttyq qaýipsizdikke qatysty el saiasatyn tolyǵymen qaita qaraityny aitylǵan.
