Foto: gov.kz
Qazaqstannyń dańqty boksshysy, Olimpiada chempiony Serik Sápiev Qazaqstan boks federatsiiasy prezidentiniń keńesshisi qyzmetine taǵaiyndaldy, dep habarlaidy Ult.kz.
Jańa qyzmetinde Sápiev ulttyq boks quramalarynyń nátijesin jaqsartý, sporttyń damýyna serpin berý jáne Olimpiada oiyndarynda joǵary jetistikterge jetý baǵytynda eńbek etpek. Onyń kásibi tájiribesi men halyqaralyq arenadaǵy jetistikteri bul mindetterdi oryndaýda mańyzdy ról atqarady dep kútilýde.
Eske sala keteiik, biyl 21 qańtarynda Qaraǵandy oblysynyń dene shynyqtyrý jáne sport basqarmasynyń basshysy qyzmetin atqarǵan Serik Sápiev pen onyń orynbasary bolǵan sambodan álem chempiony Dáýren Esimhanov arasynda janjal týyndaǵan edi. Oqiǵa sońy tóbeleske ulasyp, saldarynan Sápiev dene jaraqatyn alǵan.
Janjaldan keiin kóp uzamai Sápiev videoúndeý jariialap, bolǵan jaǵdaidyń sebepterin túsindirdi. Artynsha Esimhanov ta óz málimdemesin jasaǵan edi.
Atalǵan oqiǵadan keiin eki tarap ta qyzmetterinen ketken bolatyn.
