Janjaldan keiingi oq: Qostanaida er adam burynǵy áielin atyp óltirdi

Foto: QR IIM

Qostanai qalasynda turmystyq janjal qaiǵyly oqiǵamen aiaqtaldy. 37 jastaǵy áieldiń ólimine bailanysty qylmystyq is qozǵalyp, kúdikti retinde onyń burynǵy kúieýi tanylyp otyr, dep habarlaidy Ult.kz.

Aldyn ala málimetke sáikes, oqiǵa oblys ortalyǵynyń yqshamaýdandarynyń birinde bolǵan. Qaiǵyly jaǵdaidan keiin er adam óz erkimen politsiiaǵa baryp, bolǵan jaitty habarlaǵan jáne kinásin moiyndaǵan.

Qostanai oblysy politsiia departamenti baspasóz qyzmetiniń málimetinshe, kúdikti ýaqytsha ustaý izoliatoryna qamalǵan. Vedomstvonyń naqtylaýynsha, áiel turmystyq janjal kezinde alǵan oq jaraqatynan kóz jumǵan.

Sonymen qatar kúdiktiniń atyna tirkelgen ańshylyq myltyq tárkilengen. Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan tergeý-operativtik sharalar júrgizilip jatyr.