Janqosh Turarovqa qatysty "Zorlaý" baby boiynsha qozǵalǵan qylmystyq is toqtatydy

Foto: Sn.kz

Boksshy Janqosh Turarovqa Qylmystyq kodekstiń 120-baby 1-bóligi (Zorlaý) boiynsha aiyp taǵylǵan bolatyn.

"Is júrgizý aiasynda sot-meditsinalyq jáne sot-biologiialyq saraptama júrgizilip, qorytyndysy boiynsha zorlaý deregi rastalmady. 2024 jylǵy 20 qazanda Qazaqstan Respýblikasy Qylmystyq is júrgizý kodeksiniń 35-baby 1-bóliginiń 2-tarmaǵy negizinde sotqa deiingi tergeýdi toqtatý týraly túpkilikti sheshim qabyldandy", - delingen Almaty politsiia departamenti habarynda.

Politsiia ókilderi Áýezov aýdandyq prokýratýrasy bul sheshimmen keliskenin málimdedi.

"Qazaqstan Respýblikasy Qylmystyq-protsestik kodeksiniń 201-babynyń talaptaryna sáikes sotqa deiingi tergeýdiń basqa derekteri jariia etýge ​​jatpaidy", - delingen politsiia habarlamasynda.

Eske salaiyq, buǵan deiin áleýmettik jelide tanymal kásipqoi boksshy Janqosh Turarov "qyz zorlady" degen kúdikke ilingeni týraly aqparat taraǵan edi. Bul aqparatqa Almaty politsiia departamenti ókilderi qylmystyq is qozǵalǵanyn habarlaǵan.