Jańa qujatta biznes nysandary eki blokqa bólingen: Ashyq qosymshasyna qatysatyn jáne qatyspaityn nysandar.
Sýpermarket, azyq-túlik satpaityn dúkender, azyq-túlik satatyn jáne satpaityn bazarlar, jabyq bazarlar bul júiege qatyspaidy.
Alaida aýrýdyń taralý deńgeiin eskere otyryp, olarǵa shekteýsiz jumys isteýge ruqsat beriledi.
Qujatqa sáikes, turǵyndardyń qoǵamdyq oryndarǵa (onyń ishinde qalalyq qoǵamdyq kólikte júrgende) jáne qyzmetine ruqsat etilgen obektilerge barǵanda, sondai-aq ashyq aspan astynda kópshilik oryndarda bolǵan kezde (5 jasqa deiingi balalardy jáne ashyq aspan astynda sportpen ainalysqandy qospaǵanda) maska taǵýǵa, áleýmettik ara qashyqtyqty saqtaýǵa jáne antiseptikterdi qoldaýǵa qatysty qoiylatyn talaptaryn oryndaýyn jáne olarǵa qyzmetine ruqsat etilmegen nysandarǵa barýǵa tyiym salynady;
Erekshe qorǵalatyn tabiǵi aýmaqtarǵa 15 adamnan aspaityn toptarǵa barýǵa ruqsat;
Qoǵamdyq tamaqtaný oryndary boiynsha - eger mekeme Ashyq jobasyna qatysqan bolsa, 07.00-den túngi 02.00-ge deiin jumys istei alady, tolymdyǵy - 50 paiyz, biraq 70 orynnan aspaýy kerek.
Eger Ashyq jobasyna qatyspaǵan bolsa, barlyq shart osyndai, biraq 50 orynnan aspaýy kerek.
Kinoteatr, teatrlar men kontsert zaldary Ashyq jobasyna qatysqan bolsa 50 paiyz tolymdyqpen jumys isteidi. Eger Ashyq jobasynda joq bolsa 30 paiyz tolymdyqpen ǵana jumys isteýge ruqsat beriledi.
Qaýlynyń tolyq mátinimen myna siltemeden tanysa alasyz.
Qaýly 19 maýsym kúni kúshine enedi, iaǵni «jasyl» aimaqqa kirgennen keiin 7 kúnnen soń.
