Jambyl oblysy Jańatas qalasynda kóppáterli turǵyn úidegi órt sóndirilip, 5 adam qaýipsiz jerge kóshirildi, dep habarlaidy "Ult aqparat".
13 shildede Jambyl oblysy TJD Órt sóndirý qyzmetiniń «101» telefon nómirine Sarysý aýdany Janatas qalasy 4 shaǵyn aýdanynyńdaǵy kópqabatty turǵyn úidiń janynda tal jáne turmystyq zattar órtengeni jóninde habarlama kelip túsken.
Oqiǵa ornyna Jańatas qalasy №16 órt sóndirý bóliminen órt sóndirý tehnikasy men 3 adam shyqqan. Bul týraly TJD baspasóz qyzmeti habarlady.
«Oqiǵa ornyna jetken ot jaýyngerleri órttiń kópqabatty turǵynúi páteriniń balkonyna taralǵanyn anyqtap, jedel túrde órt sóndirý jumysyna kiristi. Nátijesinde órttiń páter ishine taralýynyń aldyn alǵan. Oqiǵa ornynan 5 adam qaýipsiz orynǵa kóshirildi» delingen vedomstvo habarlamasynda.
Órtten zardap shekkender joq. Órt aýmaǵy 40 sharshy metrdi qurady. Qazirgý ýaqytta tilsiz jaýdyń shyǵý sebebi anyqtalyp jatyr.
