Jańaózendegi «KEZBI» munai servistik kompaniiasy jumysshylarynyń aryz-talabyn sheshý maqsatynda arbitrajdy komissiia quryldy, dep habarlaidy "Ult aqparat".
Komissiia quramyna kompaniianyń 4 jumysshysy, kompaniianyń basshylary, memlekettik eńbek inspektsiiasy basqarmasynyń ókilderi men Jańaózen qalasy ákiminiń orynbasary bar 12 adam endi.
«KEZBI» JShS-niń jumysshylary jalaqyny kóterý, tariftik kesteni qaita qaraý jáne jabdyqty qajetti standartarǵa sáikestendirýdi, mereke kúnderi jumys istegeni úshin jalaqy, 13-shi jalaqy men ziiandy jumys úshin ótemaqy berýdi suraidy.
Búgin Mańǵystaý oblysynyń ákimi Serikbai Trumov máseleniń mán-jaiyn bilý úshin Jańaózen qalasyna baryp, jumysshylarmen kezdesti.
«Bul jekemenshik mekeme. Jekemenshik mekeme bolǵandyqtan onyń ishki ekonomikalyq jaǵdaiyna aralasa almaimyz. Bul jumys berýshi men jumysshynyń arasyndaǵy jaǵdai. Sol jaǵdaidy bileiin, óz kózimmen kóreiin, zańǵa sáikesti máseleni aitaiyn dep keldim. Ekonomikalyq jaǵdaidyń bári qarajatqa tireledi. Jekemenshik mekeme bar, memlekettik mekeme bar, munyń báriniń ara-jigin aiyryp aitýymyz kerek. Zańdylyǵyn túsindirýimiz kerek. Barlyǵymyzǵa ortaq zań bar. Sondyqtan da barlyǵy zańnyń aiasynda sheshilýi kerek dep esepteimin», - dedi oblys basshysy.
Jumysshylar aryzyna orai qurylǵan komissiia otyrysy jalǵasyp jatyr. Sheshimi aldaǵy ýaqytta habarlanady.
