Jańaózen zaýytyndaǵy órttiń saldaryn joiý boiynsha jedel shtab quryldy, dep habarlaidy "Ult aqparat".
Bul týraly Mańǵystaý oblysynyń qoǵamdyq kommýnikatsiia ortalyǵynda ótken shuǵyl brifingide Jańaózen qalasynyń ákimi Maqsat Ibaǵarov málim etti.
Onyń aitýynsha órt saldaryn joiý boiynsha jedel shtab quryldy. Zardap shekkender joq.
«16 maýsym saǵat 22:09-da Jańaózen qalasyndaǵy «Qazaq gaz óńdeý zaýyty» JShS kompressorlyq tsehynyń aýa tońazytqyshy órtendi. Saǵat 23:17-de órtti oqshaýlaý jáne tolyq joiý jumystary júrgizildi. Órt saldarynan gradirnia konstrýktsiiasynyń bir bóligi isten shyqty, negizgi jabdyq zardap shekken joq. Gradirniany qalpyna keltirý boiynsha avariialyq-jóndeý jumystary bastaldy. QazGÓZ boiynsha oqys oqiǵany tekserý týraly buiryq shyǵaryldy, órt saldaryn joiý boiynsha jedel shtab quryldy», - dedi Maqsat Ibaǵarov.
«Qazaq Gaz Óńdeý» zaýyty basshysy Naqbergen Tólepovtiń aitýynsha zaýyttyń daiyn ónim qoimalaryndaǵy suiytylǵan munai gazynyń mólsheri óńirdiń qajettiligin shamamen eki táýlikke qamtamasyz etedi.
«Suiytylǵan gaz qory jetkilikti. Eger qjettilik týyndaǵan jaǵdaida Atyraý munai óńdeý zaýytynan óńirge suiytylǵan gazdy balamaly jetkizýge múmkindik bar. Zaýyttyń 30 paiyzy jumys jasap tur. Órt bolǵan aimaq jaqyn arada tolyq qalpyna keltiriletin bolady. Óńirde suiytylǵan gazben qamtamasyz etý boiynsha eshqandai irkilister kútilmeidi»,-dedi Naqbergen Tólepov.
Óńirge ai saiyn shamamen 18 myń tonna suiytylǵan gaz bólinedi. Onyń ishinde QazGÓZ-den 14,5 myń tonna, AMÓZ-den 3,5 myń tonna. Jedel aqparat boiynsha QazGÓZ-den 8 myń tonna, AMÓZ-den 1,6 myń tonnadan astam suiytylǵan gaz shyqty
Aita keteiik, 2021 jyldyń 16 maýmynda jergilikti ýaqytpen 22:19-da Jańaózen qalasyndaǵy óndiristik aimaqta «KazGPZ» JShS-niń kompressorlyq tsehynda órt shyqqanyn habarlaǵan bolatynbyz.
