QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova jańajyldyq oiyn-saýyq ótkizýge qatysty pikir bildirdi, dep habarlaidy QazAqparat.
«Epidjaǵdaidyń oń nemese teris baǵyt alýy árqaisysymyzǵa qatysty. Indetten saqtaný talaptaryn oryndamasaq jaǵdai qazir-aq ózgeredi. Birinshi kezekti koronavirýsqa qarsy vaktsina alýymyz kerek, al vaktsina alǵan jaǵdaida karantin talaptaryn saqtaýymyz qajet. Maska taǵý, áleýmettik qashyqtyqty saqtaý áli óz kúshinde. Onyń ústine aldymyzda mereke jáne birneshe kúndik demalys kele jatyr. Jańa jyldyq keshke barardyń aldynda oilanǵan jón. Virýs áli joiylǵan joq, kerisinshe onyń jańa túrleri paida bolyp jatyr», - dedi A. Esmaǵambetova Úkimet úiinde tilshilerdiń suraǵyna jaýap bere turyp.
Onyń aitýynsha, qazirgi ýaqytta elde epidjaǵdai turaqtalyp, indet juqtyrý azaiyp keledi.
«Búkil álem aityp jatqan «omikron» týraly áli kúnge deiin naqty bir derek joq. Bizdiń basty qarý ol saqtaný, aldyn alý. Sondyqtan jańa jyldyq oiyn-saýyqqa barar aldynda taǵy bir oilanaiyq, barǵannyń ózinde virýstan saqtaný sharasy týraly umytpaǵanymyz abzal. Búgingi tańda koronovirýs boiynsha álemdegi jaǵdai qiyn, al bizdiń elimizde jaǵdai rettelip keledi», - deidi ol.
