Foto: Pexels.com
Meditsina qyzmetkerleriniń kásiptik jaýapkershiligin saqtandyrý týraly zań kúshine endi, dep habarlaidy Qazaqstan.tv.
Densaýlyq saqtaý sýbektileri (meditsinalyq uiymdar jáne jeke meditsinalyq praktikamen ainalysatyn jeke tulǵalar) meditsina qyzmetkerleriniń kásiptik jaýapkershiligin saqtandyrýǵa jáne biryńǵai saqtandyrý pýlymen saqtandyrý shartyn jasasýǵa mindetti. Saqtandyrý sharty Medpul.kz elektrondyq aqparattyq júie arqyly júzege asyrylady.
Saqtandyrý tólemderi dárigerlerdiń baiqaýsyzda jasaǵan kásibi qatelikterinen zardap shekken patsientke tólenedi. Ómiri men densaýlyǵyna ziian keltirý faktisin rastaý jáne saqtandyrý tólemin alý úshin patsientke nemese onyń jaqyn týystaryna (zańdy ókilderine) densaýlyq saqtaý mekemesine júginý qajet.
Meditsinalyq qyzmetti júzege asyrý nátijesinde patsienttiń ómiri men densaýlyǵyna ziian keltirý faktisiniń bolý-bolmaýy týraly sheshimdi táýelsiz saraptama komissiiasy qabyldaidy. Onyń quramynda sarapshylar, kásibi meditsinalyq qaýymdastyqtardyń jáne biryńǵai saqtandyrý pýlyna qatysýshy saqtandyrý uiymynyń ókilderi retinde tartylatyn beiindi mamandar bolady.
