QR Bilim jáne ǵylym vitse-ministri Sholpan Karinova jańa oqý jylyndaǵy alǵashqy sbaqtar týraly aityp berdi, dep habarlaidy QazAqparat.
«Oqýshylardyń, muǵalimderdiń densaýlyǵyn saqtaý maqsatynda oqý protsesi negizinen qashyqtan uiymdastyrylyp otyr. Oqýshylardyń 80 paiyzǵa jýyǵy qashyqtan oqytý formatynda bilim alýdy bastady. Jańa oqý jylynda 7 myńnan astam mektep jumysqa kiristi. Tańerteńnen barlyq mektepte bilim kúnine arnalǵan synyp saǵattary ótti», - dedi vitse-ministr onlain rejimde ótken brifingide.
Onyń sózine qaraǵanda, biyl oqýdy bastaǵan 3 millionnan astam oqýshy bolsa, sonyń ishinde 352 myńy birinshi synypqa qabyldanǵandar.
Ministrlik málimetinshe, kezekshi synyptar jumystaryn bastady. Bastaýysh synyptarda bir millionnan astam oqýshy bar, olardyń 60 paiyzy ata-analarynyń nemese zańdy ókilderiniń ótinishi boiynsha kezekshi synyptarda oqýdy bastady. Qashyqtan oqytý formatynda 2,6 mln-ǵa jýyq oqýshy bilim alyp jatyr.
Aita keteiik, 7 myńnan astam mekteptiń shamamen 3 myńy dástúrli formatta jumys isteidi. Bul negizinen aýyldyq mektepter.
