Bilim salasyn tsifrlandyrý, qashyqtan okytýdy jetildirýge qatysty Prezident mindettegen tapsyrmalar oryndalady.
Bul týraly QR Bilim jáne ǵylym ministri Ashat Aimaǵambetov onlain konferentsiiada aitty, dep habarlaidy "Ult aqparat".
«Kúni keshe memlekettik komissiia otyrysy kezinde Memleket basshysy Qasym-Jomart Toqaev bilim jáne ǵylym salasyna qatysty mańyzdy tapsyrmalar bergen bolatyn. Osy tapsyrmalar aiasyndaǵy jumystar bastaldy. Oqý jyly 25 mamyrǵa deiin qashyqtan oqý formatynda bolady. Bilim baǵdarlamalarynyń mazmunyn ózgertý, tsifrlandyrý máselesi, qashyqtan oqytý tehnologiiasyn jetildirý jáne taǵy da basqa berilgen tapsyrmalar boiynsha jumystar júrgiziletin bolady», - deidi QR Bilim jáne ǵylym ministri Ashat Aimaǵambetov.
Ministr jańa oqý jyly dástúrli tehnologiia retinde mektep qabyrǵasynda bastalatynyna úmit bildirdi.
«Jańa oqý jyly dástúrli tehnologiia retinde mektep qabyrǵasynda bastalady dep senemiz. Jaz ailarynda da ministrlik bilim basqarmalarymen qosa jumystar júrgizetin bolady. Qandai jaǵdai bolsa da tótep beretindei barlyq jumystardy júrgizýimiz qajet. Mektepti balalarymyz da saǵyndy, ata-analar da sony qalaidy. Pedagogtar de mektepte sabaq berýdi asyǵa kútip júr. Biz, árine, sondai jaqsylyqqa senip, daiyn bolýymyz kerek. Kelesi oqý jylyn dástúrli túrde bastasaq degen jospar bar. Degenmen osyndai jaǵdai qaitalanbaityn siiaqty bolmaý kerek. Veb-tehnologiia, tsifrlandyrý, qashyqtan oqý máselesin qolǵa alyp, tiisti deńgeige jetkizýimiz kerek», - deidi ol.
