Foto: Aqorda
Qazaqstan Respýblikasynyń Premer-ministri Oljas Bektenov óziniń maqalasynda Prezident Qasym-Jomart Toqaev basqarýyndaǵy eldiń damýy týraly pikir bildirip, Toqaevtyń jeti jyldyq prezidenttik kezeńin daǵdarystarǵa jedel jaýap berýden júieli damýǵa kóshý kezeńi dep atap ótti, dep habarlaidy Ult.kz.«Qasym-Jomart Toqaev prezidenttik qyzmetiniń jeti jyly daǵdarystarǵa jaýap berýden júieli damýǵa kóshý kezeńi boldy: ekonomika ártaraptandyryldy, investitsiialar turaqty bola bastady, infraqurylym senimdirek, áleýmettik saiasat – naqty baǵyttalǵan.
Qurylǵan negiz Qazaqstanǵa institýtsionaldy turǵyda qurylymdalǵan modelge súiene otyryp, uzaq merzimdi basymdyqtardy eskere otyryp, bolashaqty senimdi qaraýǵa múmkindik beredi. Búgingi tańda Qazaqstan tarihi damý kezeńinde tur», — dedi Oljas Bektenov.
Maqalada memleket basshysynyń bastamasymen, keń ashyq talqylaýlardan keiin, eksperttik jáne ǵylymi qoǵamdastyq pikirin, Qazaqstan qoǵamynyń barlyq segmentterin eskere otyryp, eldiń jańa Konstitýtsiiasynyń jobasy daiyndalǵany aityldy.
«Jańa Konstitýtsiia jobasynyń ereksheligi – onyń progressivti rýhy men bolashaqqa baǵyttalǵandyǵy. Onda halyqtyń úmiti beinelengen, sondai-aq memleket basshysy – Prezident Toqaevtyń Qazaqstan Respýblikasynyń uzaq merzimdi turaqty damýy, kóptegen qazaqstandyq urpaq úshin beibit ári qaýipsiz ómirdiń myqty negizin qaldyrý nieti aiqyn kórinedi.
Men senemin, elimiz azamattary durys tańdaý jasap, memleket basshysynyń bastamasyn qoldap, Kúshti, Ádil, Qýatty Qazaqstan qurýǵa óz úlesterin qosady», — dep atap ótti Oljas Bektenov.
