QR Bas sanitar dárigeriniń mindetin atqarýshy Aijan Esmaǵambetovanyń koronavirýs infektsiiasyna qarsy revaktsinatsiia júrgizý týraly qaýlysy jariialandy, dep habarlaidy "Ult aqparat".
Revaktsinatsiia mynadai aralyqtardy saqtai otyryp júrgiziledi:
1) vektorlyq vaktsinalardy engizgennen keiin – 9 aidan soń;
2) belsendiligi joiylǵan vaktsinalardy jáne m-RNQ-vaktsinalardy engizgennen keiin – 6 aidan soń.
Revaktsinatsiiany KVI-ge qarsy alǵashqy vaktsinatsiialaý kýrsyna paidalanylǵan vaktsinamen jasaýǵa ruqsat beriledi.
Revaktsinatsiia jasatatyn halyqtyń táýekel toptary:
1) meditsina qyzmetkerleri;
2) pedagogtar;
3) kúsh qurylymdary qyzmetkerleri;
4) meditsinalyq-áleýmettik mekemelerdiń personaly men kontingenti;
5) 60 jastan asqan adamdar;
6) Vaktsinalaýdyń aiaqtalǵan kýrsynan keiin KVI-ge qarsy antideneler anyqtalmaǵan immýniteti álsiregen adamdar (immýnosýpressivti terapiiadaǵy adamdar (leikemiiany, limfomany jáne mielomany qosa alǵanda, qatty isikti nemese gematologiialyq qaterli isikti belsendi immýnosýpressivti emdeý nemese osyndai emdeý toqtatylǵannan keiin 12 ai ishinde), gemodializdegi adamdar, transplantat retsipientteri, AITV juqtyrǵan aýyr bastapqy immýn tapshylyǵy);
7) óz betinshe tekserilgen (KVI-ge qarsy vaktsinalaýdyń alǵashqy kýrsy aiaqtalǵannan keiin 28 kúnnen erte emes) jáne KVI-ge qarsy antidenelerge zertteýdiń teris nátijesi bar adamdar.
Sondai-aq revaktsinatsiialaý KVI-ge qarsy vaktsinatsiialaýdyń alǵashqy kýrsynda qoldanylmaǵan vaktsina túrlerimen (belsendiligi joiylǵan vaktsina, vektorlyq vaktsina, m-RNQ-vaktsina) júrgiziletini atalyp ótken.
Qujatta 22 qarashadan bastap Almaty, Nur-Sultan jáne Shymkent qalalarynda revaktsinatsiia júrgizilýi kerektigi aitylǵan.
Qaýlynyń tolyq mátinin myna jerden oqi alasyz.
