Pavlodar oblysy Bas memlekettik sanitarlyq dárigeri Batyrbek Álievtiń jańa qaýlysy jariialandy, dep habarlaidy "Ult aqparat".
Qaýlyda otbasylyq, ujymdyq, saltanatty (banketter, úilený toilary, mereitoilar, as berý t.b.) jáne adam kóp jinalatyn ózge de sharalardy (miting, sherý, kórme, konferentsiia, qoiylym t.b.) ótkizýge tyiym salynǵan. Oiyn-saýyq mekemeleriniń – karaoke, qorqor, býkmeker keńseleri, biliard zaldary, oiyn klýbtary, klýbtar, boýling ortalqtarynyń jumysy da toqtatylǵan.
Al mádeniet nysandarynyń qyzmetine 30 adamǵa deiin ruqsat berilgen. Teatrlardyń, kinoteatrlardyń, kontsert zaldarynyń tolymdyǵyn 20 paiyzdan asyrmai qyzmet etýine bolady. Balalardy saýyqtyrý lagerlerge tolymdyǵyn 50 paiyzdan asyrmai jumys isteýge ruqsat berilgen.
Oblysaralyq, oblysishilik, qalaaralyq, aýdanaralyq avtobýs, shaǵyn avtobýs tasymaldary qaita jańartylady.
Mektepke deiingi mekemelerdiń kezekshi toptaryna bala sanyn 25-ten asyrmai, sanitarlyq talaptardy saqtai otyryp jumys isteýine ruqsat bar.
Sonymen birge, kúsheitilgen sanitarlyq-dezinfektsiialyq rejimdi saqtai otyryp, daladaǵy attraktsiondar jumysyn bastaýǵa ruqsat berilgen.
Qazaqstan Respýblikasy Bas memlekettik sanitariialyq dárigeriniń №68 qaýlysynyń talaptaryn saqtai otyryp, kitaphanalar men mýzeilerdiń jumysyna ruqsat berilgen.
Al meshit, shirkeý, sobor, sinagoga siiaqty dini mekemelerde bir adamǵa 4 sharshy metr oryn saqtai otyryp ujymdyq dini sharalar ótkizýge bolady.
Qoǵamdyq tamaqtaný nysandarynyń jumys kestesi uzartyldy, endi olar saǵat 7.00-den 22.00-ge deiin jumys isteidi. Strit-fýdtar (jeke dúńgirshekter, otyrǵyzatyn ústelderi joq kioskiler) qyzmetiniń jumysyna ýaqyt shekteýi qoiylmaidy.
Qaýlynyń tolyq mátinin Pavlodar oblysynyń sanitarlyq-epidemiologiialyq baqylaý departamentiniń saitynan oqýǵa bolady.
