Atyraýda birqatar nysandardyń jumysyn rejimine shekteýler engizildi. Bul týraly oblystyń bas sanitar dárigeriniń jańa qaýlysynda aitylǵan, dep habarlaidy "Ult aqparat".
«Saýda úileri men saýda-oiyn saýyq ortalyqtaryna (pavilondar, býtikter), saýda jelilerine saǵat 10.00-den 19.00-ge deiin (toltyrylýy obekt syiymdylyǵynyń 30% - nan asyrmai, 1 kelýshige 4 sharshy metrden kem emes) tek qana jumys kúnderi jumys isteýine ruqsat etiledi. Bul rette olarda ornalasqan attraktsiondardyń, oiyn alańdarynyń, oiyn ortalyqtarynyń, qoǵamdyq tamaqtandyrý obektileriniń jumysyna tyiym salynady. « -delingen qaýlyda.
Sondai-aq, sulýlyq salondary, shashtarazdar, kosmetologiialyq qyzmet kórsetetin nysandardyń jumys kúnderi saǵat 09.00-den 19.00-ge deiin, sport keshenderi, fitnes-ortalyqtar, fitnes-klýbtar, ioga ortalyqtary, sporttyq-saýyqtyrý nysandary (olarda ornalastyrylǵan basseinder, saýnalar, SPA, massaj, piling), saýnalar, SPA-ortalyqtar, basseinder jumys kúnderi saǵat 07:00-den 22:00-ge deiin jumys isteidi. Al, «Ashyq» jobasyna qatysatyn nysandardyń jumys rejimi saǵat 07:00-den 24:00-ge deiin sozylady.
«Ashyq» jobasyna qosylǵan nysandardy qospaǵanda senbi jáne jeksenbi kúnderi jumys jasaýǵa tyiym salynyp otyr.
Bas sanitar dárigerdiń jańa qaýlysy 2021 jylǵy 5 shildede saǵat 00:00-den bastap kúshine enedi.
