Foto: Jambyl oblysy tótenshe jaǵdailar departamentiniń baspasóz qyzmeti
Turar Rysqulov aýdany Qaraqystaq aýylyndaǵy mádeniet úii, Merki aýdandyq aýrýhanasy, Oital aýylyndaǵy mektep ǵimaratynyń qabyrǵasynda jaryqshaq paida bolǵany anyqtaldy. Basqa nysandar týraly aqparat naqtylanyp jatyr, dep habarlaidy Jambyl oblysy tótenshe jaǵdailar departamentiniń baspasóz qyzmeti.
28 naýryzynda túnde Jambyl oblysynyń birqatar aýdandary men Taraz qalasynda jer silkinisi tirkeldi.
Jer dúmpýiniń joǵary qarqyny — 5 ball. Merki aýdanyndaǵy Merki aýylynda tirkeldi. Turar Rysqulov aýdanynyń Qulan aýylynda jer silkinisiniń kúshi 4 ball, Taraz, Shý qalalarynda, Qordai, Moiynqum aýdandarynda — 2 ball boldy.
— Oblys ákiminiń tapsyrmasyna sáikes oblystyq jedel shtab jumys istep jatyr. Barlyq tirshilikti qamtamasyz etý júieleri qalypty jumys istep jatyr. Zardap shekkender týraly málimet joq. Aldyn ala málimet boiynsha Turar Rysqulov aýdany Qaraqystaq aýylyndaǵy mádeniet úii, Merki aýdandyq aýrýhanasy, Oital aýylyndaǵy mektep ǵimaratynyń qabyrǵasynda jaryqshaq paida bolǵany anyqtaldy. Basqa nysandar týraly aqparat naqtylanyp jatyr, — delingen Jambyl oblysy ákimdiginiń baspasóz qyzmeti habarlamasynda.
Aimaq basshysy Erbol Qarashókeev jaǵdaimen tanysý úshin Turar Rysqulov jáne Merki aýdandaryna bardy.
8(7262)513575 nómiri boiynsha «jedel jeli» iske qosylǵan.
Aita ketelik Almatydan 323 shaqyrym jerde jer silkinisi tirkelgen edi.
