Jambyl oblysynda salynyp jatqan zaýytta qandai vaktsina túrleri óndiriletini belgili boldy, dep habarlaidy QazAqparat.
«Biyl sáýir aiynda 50 myń doza vaktsina óndirildi. Osy maýsym aiynda taǵy 100 myń doza shyǵarady. Shilde, tamyz ailarynda 500 myń dozaǵa deiin óndiretin bolamyz. Al qyrkúiek aiynan bastap vaktsina óndirý kólemin 1 mln-ǵa deiin jetkizemiz. Sonymen qatar zaýyt koronavirýs qana emes, basqa da aýrý túrlerimen kúresetin vaktsina óndiredi dep josparlanǵan. Sondai-aq, tek adam ǵana emes, janýarlarǵa da arnalǵan vaktsina túrlerin shyǵarady. Zaýyt kelesi jyldan bastap óndiris qýatyn tolyqtai paidalanýy tiis, sol úshin de birneshe baǵytta jumys isteitin bolady», - dedi Jambyl oblysynyń ákimi Berdibek Saparbaev OKQ-de ótken baspasóz máslihatynda.
