Foto: ashyq derekkóz
Jambyl oblysyndaǵy áskeri bólimderdiń birinde atys bolyp, qaraýyl bastyǵy qaza tapty, dep habarlaidy Ult.kz.
Áleýmettik jelilerde taraǵan málimetke sáikes, oqiǵa 2026 jylǵy 15 naýryzda áskeri bólimniń tehnikalyq aýmaǵynda bolǵan. Qaraýyldyń úshinshi beketinde vedomstvolyq kúzettiń azamattyq qyzmetkeri – atqysh karabinnen abaisyzda oq atyp, qaraýyl bastyǵyna tigizgen.
Jaralanǵan áskeri qyzmetker aýyr jaǵdaida áskeri gospitalǵa jetkizilgenimen, dárigerler onyń ómirin saqtap qala almady.
Ishki ister ministrliginiń Áskeri-tergeý departamenti bul derek boiynsha Jambyl oblysynda áskerilendirilgen kúzettiń azamattyq qyzmetkeriniń qaza tabýyna qatysty sotqa deiingi tergeý júrgizilip jatqanyn málimdedi. Qazir oqiǵanyń barlyq mán-jaiy tergeý áreketteri men protsessýaldyq sharalardyń nátijesinde anyqtalmaq.
