Foto: inform.kz
2024 jyly 71 jastaǵy zeinetker Taraz qalasyna ápkesiniń qolyna kóship barǵan. 2025 jylǵy Qurban aittan keiin ol habar-osharsyz ketken. Týystary politsiiaǵa júgingen. Bul týraly Syrym Iykulov telegram paraqshasyna silteme jasap Ult.kz habarlaidy.
Tamyz aiynda aýyl mańyndaǵy alqaptan máiit tabylǵan. Ony joǵalǵan áieldiń qyzy men nemeresi tanyǵan. Osy derek boiynsha qylmystyq is qozǵalyp, ólim týraly aktilik jazba tirkelip, kýálik berilgen.
Alaida 2025 jyldyń qyrkúieginde áiel kútpegen jerden Jambyl aýdanyna qarasty Qostóbe aýylyndaǵy aǵasynyń úiinde júrgeni anyqtalǵan.
Belgili bolǵandai, Qurban aittan keiin ol Aisha bibi aýylyna maýsymdyq piiaz jinaý jumystaryna baryp, úi iesiniń qolynda turǵan. Zeinetaqy tólemderi toqtatylǵan soń, ol Tarazǵa qaityp oralyp, ózin resmi túrde qaitys boldy dep tanyǵanyn bilgen.
Tekserý barysynda tabylǵan máiittiń basqa adamǵa tiesili ekeni anyqtalǵan. Máiitke eksgýmatsiia júrgizilip, qaita sot-meditsinalyq jáne genetikalyq saraptama jasalǵan. Saraptama marqumnyń jeke basyn anyqtaǵan.
Qyzy sotqa júginip, anasynyń ólimi týraly jazbany joiýdy jáne quqyqtyq mártebesin qalpyna keltirýdi talap etken. Ólim týraly aktilik jazba kúshin joiyp, berilgen kýálik jaramsyz dep tanylǵan. Sheshim zańdy kúshine endi.
