Foto: ashyq derekkóz
2026 jylǵy 17 aqpanda Baizaq aýdandyq soty óńirdiń eki turǵynyna qatysty qylmystyq isti qarady, dep habarlaidy Ult.kz.
Sot málimetinshe, aiyptalýshylar 2024 jyldyń jeltoqsan aiynan bastap aldyn ala sóz bailasyp, zańsyz paida tabý maqsatynda WhatsApp messendjeri arqyly ydys-aiaq pen turmystyq taýarlardy tómen baǵamen satý týraly habarlandyrýlar jariialaǵan. Senimge kirý úshin alǵashqy satyp alýshylarǵa taýardy naqty jetkizip otyrǵan. Alaida keiinnen basqa azamattardan tapsyrys qabyldap, aqshasyn alǵanymen, taýardy jetkizbegen. Alynǵan qarajatty óz qalaýlarynsha jumsaǵan.
Qylmystyq áreketter saldarynan 112 adam zardap shegip, olarǵa jalpy somasy 51 288 146 teńge kóleminde materialdyq zalal keltirilgen.
Sot otyrysy barysynda sottalýshylar óz kinálaryn tolyq moiyndap, jasaǵan áreketterine ókinish bildirgen.
Sot úkimimen er adam 2 jyl 8 aiǵa, al jubaiy 2 jyl 4 aiǵa bas bostandyǵynan aiyryldy.
Jambyl oblysynyń prokýratýrasy azamattardy messendjerler men áleýmettik jeliler arqyly taýar satyp alý kezinde saq bolýǵa shaqyrdy. Vedomstvo ókilderi kúmándi, baǵasy tym arzan usynystarǵa qujatsyz senbeýge jáne alaiaqtyq belgileri baiqalǵan jaǵdaida dereý quqyq qorǵaý organdaryna júginýdi usyndy.
