AQSh-taǵy Florida ýniversitetiniń zertteýshileri qyzyqty jańalyq ashty. Ǵalymdar jalqaýlyqtyń IQ deńgeii kórsetkishiniń joǵary ekenin kórsetetinin anyqtady, - dep habarlaidy RIA Novosti The Independent basylymyna silteme jasap.
Ǵylymi tájiribe barysynda birneshe stýdentten saýalnama alyndy. Olarǵa qiyn tapsyrmalardy sheshýge berilgen nusqalardyń birin tańdaý usynyldy. Saýalnamanyń qorytyndysyna sáikes, 60 adamnan turatyn zertteý toby quryldy. Olardyń 30-y belgili bir tapsyrmalardy oryndaý kezinde sol tapsyrmanyń sheshimin tabý úshin jańa ádisterdi oilap tabýdan raqattanatynyn aitsa, qalǵan zertteýge alynǵan 30 adam tek mindettelgen nemese qajetti bolǵan jaǵdaida tapsyrmany sheshýge ýaqyt jumsap, oilanatynyn aitty.
Sonymen qatar, tájiribe barysynda 60 adamnyń belsendiligi qandai deńgeide ekenin anyqtaý úshin olarǵa fitnes-bilezikter taǵyldy. Bul tájiribeniń qorytyndysy "tapsyrmany sheshýge oilanatyn" adamdardyń aitarlyqtai az qimyl jasaitynyn, iaǵni olardyń belsendiligi "tek qajet bolǵan jaǵdaida tapsyrmany sheshýge ýaqyt bóletin" adamdardyń belsendiligine qaraǵanda tómen ekenin kórsetti.
Tájiribe sońynda ǵalymdar kóp oilanbaityn adamdardyń tez zerigetinin jáne sondyqtan olar bos ýaqyttarynda fizikalyq belsendilik kórsetedi degen qorytyndyǵa keldi. Sondai-aq, ǵalymdar IQ deńgeii kórsetkishiniń joǵary bolýy tek az qimyl jasaýǵa bailanysty emes ekenin aitty.
