Jalǵyzbasy ata-analardyń qashyqtan jumys isteý quqyǵyn zańnamalyq turǵyda qarastyrý qajet. Bul týraly Ulttyq qoǵamdyq senim keńesiniń 6-otyrysynda QR Prezidenti Qasym-Jomart Toqaev aitty, dep habarlaidy QazAqparat.
QR Prezidenti memleket saiasatynyń basym baǵyttarynyń biri ana men balany qoldaý ekenine nazar aýdartty. Sonymen qatar áiel adamdar bala kútimimen uzaq ýaqyt otyrǵanda kásibi qabiletin tómendetip alatynyn, tipti jalǵyzbasty ata-analarǵa mundaida tipti qiynǵa soǵatynyn, olarǵa erekshe eńbek jaǵdaiy jasalýy kerek ekenin basa aitty.
«Olar úshin erekshe eńbek jaǵdaiyn jasaý qajet. Jalǵyzbasty ata-analardyń qashyqtan jumys isteý jáne jumys isteýdiń qysqartylǵan rejimi quqyǵyn zańnamalyq deńgeide qarastyrǵan jón. Damyǵan elderde iri kompaniialar óz keńselelerde balalar bólmelerin ashyp jatady. Mundai tájiribe bizde de normaǵa ainalýy tiis», - dedi Qasym-Jomart Toqaev.
Memleket basshysynyń atap ótýinshe, ol úshin atalǵan sanatqa kiretin jumysshynyń múddesin eskeretin jumys rejimin retteýdiń tiimdi tetikterin engizý qajet. Bul rette úzdiksiz eńbek protsesin, soǵan sai óndiristi qamtamasyz etý de mańyzdy.
