Almaty qalalalyq qoǵamdyq densaýlyq saqtaý basqarmasynyń basshysy Nariman Tabynbaev PTR anyqtamasy men vaktsina pasportyn qoldan jasap satqandarǵa qatysty túsinik berdi, dep habarlaidy QazAqparat.
Onyń aitýynsha, Almaty meditsinalyq mekemelerinde vaktsina qujattaryn qoldan jasaýdyń eki jaǵdaiy anyqtalyp, dáleldengen.
Onyń birinshisi osydan 2,5 ai buryn №21 emhanada anyqtalsa, ekinshisi №4 qalalyq emhanada belgili boldy.
«Bul jaǵdailardy qoǵamdyq densaýlyq saqtaý basqarmasy ózi anyqtady. Sonymen qatar, osyǵan qatysty jaǵdaidy Politsiia departamentine ózimiz joldadyq. Qazir taǵy bir emdeý ornynyn anyqtaý boiynsha politsiiaǵa júgindik. Sondai-aq mundai jaǵdai qaitalanbas úshin quqyq qorǵaý organdarymen birge vaktsina salynatyn oryndarda túsindirý jumystaryn júrgizip jatyrmyz, - dedi ol.
Sonymen qatar, ol jalǵan vaktsina pasportyn jasaǵan meditsina qyzmetkerlerine qandai jaza qoldanylatynyn aitty.
«Bul adamdar jalǵan qujat jasap, vaktsinany joiǵan. Qazir olarmen politsiia qyzmetkerleri jumys istep jatyr. Al, mekeme basshylary jumystaryn jalǵastyrýda. Tergeý jumystary aiaqtalǵan soń bári belgili bolady», - dedi basqarma basshysy.
