Foto: IIM
Shymkentte zańsyz kóshi-qon arnasyn uiymdastyrǵan qylmystyq toptyń áreketi áshkerelendi. Bul týraly Polisia.kz habarlady.
Tergeý málimetinshe, kúdiktiler shetel azamattarynyń Qazaqstan aýmaǵyna kelýin aqyly túrde uiymdastyryp, olardy zańsyz jolmen “zańdastyrýmen” ainalysqan.
Arnaiy operatsiia barysynda 28 tintý júrgizildi. Nátijesinde ondaǵan sheteldik pasport, bailanys quraldary, túrli qujat blankileri men jalǵan eńbek sharttary tárkilendi. Sondai-aq iri kólemdegi aqsha men tirkelmegen qarý tabylǵan.
Qylmystyq toptyń uiymdastyrýshysy ýaqytsha ustaý izoliatoryna qamaldy. Al bul shemaǵa qatysy bar 13 adam politsiiaǵa jetkizildi. Atalǵan derek boiynsha sotqa deiingi tergeý bastaldy.
Ishki ister ministrligi kóshi-qon zańnamasyn buzý jaýapkershiliksiz qalmaitynyn eskertip, mundai zańsyz arnalardyń jolyn kesý jumystary jalǵasatynyn málimdedi.
Aita keteiik, buǵan deiin Almatyda kóshi-qon talaptaryn buzǵan 21 shetel azamaty elden shyǵarylǵan bolatyn.
